గర్భవతి భార్యతో కలిసి సినీ ఫైనాన్షియర్ ఆత్మహత్య

కడప: సినీ ఫైనాన్షియర్ తన భార్యతో కలిసి ఆత్మహత్య చేసుకున్నట్లు సమాచారం అందుతోంది. విషం తీసుకుని వారిద్దరు ఆత్మహత్య చేసుకున్నట్లు తెలుస్తోంది. కడపకు 30 కిలోమీటర్ల దూరంలో గల కొత్త మాధవరంలోని తమ నివాసంలో బాలాజీ (30), ఆయన భార్య భారతి (28) విషం తీసుకుని తమ ఇంటిలో ఆత్మహత్య చేసుకున్నట్లు పోలీసులు చెప్పారు. స్థానికుల నుంచి బాలాజీ తక్కువ వడ్డీకి పెద్ద మొత్తంలో డబ్బులు అప్పు తీసుకుని, ఎక్కువ వడ్డీకి హైదరాబాదులోని సినీ నిర్మాతలకు అప్పుగా ఇస్తూ వస్తున్నాడు.

అయితే, స్థానికులకు బాలాజీ నిర్ణీత గడువులో డబ్బులు తిరిగి చెల్లించలేకపోయాడని, స్థానికుల నుంచి అతనిపై తీవ్రమైన ఒత్తిడి పెరుగుతూ వచ్చిందని, దాంతో ఆ దంపతులు ఆత్మహత్య చేసుకున్నారని పోలీసులు చెబుతున్నారు. వారికి నాలుగేళ్ల కూతురు ఉంది. భారతి రెండో సంతానాన్ని కనాల్సిన స్థితిలో ఆత్మహత్యకు బలైంది.

English summary

A film financier and his wife allegedly cinnittewd suicide by consuming poison in Kadapa district.