తమిళ అసెంబ్లీలో తెలుగులో మాట్లాడిన జయలలిత

చెన్నై: రాష్ట్ర ముఖ్యమంత్రి, అన్నాడిఎంకే అధినేత్రి జయలలిత శుక్రవారం అసెంబ్లీలో తెలుగులో మాట్లాడారు. హోసూరు ఎమ్మెల్యే గోపీనాథ్‌తో ఆమె తెలుగులో మాట్లాడారు. తెలుగు భాషా అభివృద్ధి కోసం ఏం చేయాలో చెప్పండని ఆమె ఆయనను అడిగారు. ఆమె తెలుగులో మాట్లాడటంతో అందరూ ఒకింత ఆశ్చర్యానికి గురయ్యారు. ప్రస్తుతం తమిళనాడు గవర్నర్‌గా తెలుగు వ్యక్తి అయిన, ఆంధ్రప్రదేశ్ మాజీ ముఖ్యమంత్రి కొణిజేటీ రోశయ్యే ఉన్నారు. ఆమె తెలుగు భాష అభివృద్ధిపై అసెంబ్లీలో చర్చించడం విశేషం. ఆమె పలు తెలుగు చిత్రాల్లో నటించారు.

కాగా ఉదయం జయలలిత ప్రభుత్వం తన నెచ్చెలి శశికళ తమ్ముడు దినకరన్, మరో బంధువును అరెస్టు చేసిన విషయం తెలిసిందే. సాధారణ ఎన్నికల్లో పొత్తు పెట్టుకున్న డిఎండికె అధినేత విజయకాంత్‌ను కూడా స్పీకర్ గురువారం అసెంబ్లీ నుండి పదిరోజులు సస్పెండ్ చేసిన విషయం తెలిసిందే.

English summary

Tamilnadu CM Jayalalithaa talk in Telugu at Assembly today.