అమ్మాయిలతో చిందులేసిన బీహార్ జెడి(యు) ఎమ్మెల్యే

By Pratap

Published: Friday, February 10, 2012, 15:05 [IST]

పాట్నా: బీహార్ పాలక పార్టీ జెడి(యు) శానససభ్యుడు శానససభ్యుడు శ్యాంబహదూర్ సింగ్ అమ్మాయిలతో కలిసి చిందులేయడం వివాదంగా మారింది. బీహార్‌లోని శివాన్ జిల్లా బధారియా శాసనసభా నియోజకవర్గానికి చెందిన ఆయన అమ్మాయిలతో కలిసి నృత్యాలు చేసిన దృశ్యాలను టీవి చానెళ్లు శుక్రవారం ప్రసారం చేశాయి. ఓ పెళ్లి ఉత్సవంలో ఆయన ఈ పనికి ఒడిగట్టారు. ఇలా ఆయన టీవీ చానెళ్ల కెమెరాలకు చిక్కడం ఇది రెండోసారి. సింగ్ గోపాల్‌గంజ్‌ జిల్లాలోని జాఫ్రాలో గల ఇటుక బట్టీల యజమాని అజయ్ సింగ్ ఇంటికి వెళ్లారు. అక్కడి నుంచి ఓ పెళ్లికి హాజరు కావడానికి అదే జిల్లాలోని కటల్పూర్ వెళ్లారు.

పెళ్లి సందర్భంగా ఫిబ్రవరి 8వ తేదీ రాత్రి జరిగిన సాంస్కృతిక కార్యక్రమాల్లో ఆయన అమ్మాయిలతో డ్యాన్స్‌లు చేశారు. తాను పెళ్లికి వెళ్లిన మాట వాస్తవమేనని, అయితే బార్ గర్ల్స్‌తో కలిసి డ్యాన్సులు చేయలేదని, కళాకారులతో కలిసి ఆడానని సింగ్ చెప్పారు. తమకు ఇష్టమైనవారి పెళ్లిళ్లలో తమ ఆనందాన్ని వ్యక్తం చేయడానికి పెద్దలు నృత్యాలు చేస్తారని, తాను ఏ విధమైన తప్పు చేయలేదని ఆయన తన చర్యను సమర్థించుకున్నారు. పాట్నాలోని డ్యాన్స్ గర్ల్స్‌తో డ్యాన్స్ చేసినందుకు సింగ్‌కు 2010 పార్టీ షోకాజ్ నోటీసు జారీ చేసింది.

Published On February 10, 2012