ఉరేసుకుని ఆత్మహత్య చేసుకున్న భోజ్పురి నటి
రూబీ తల్లిదండ్రులు బీహార్లోని పాట్నాలో ఉంటారు. ఆమె తండ్రి పోలీసు డిప్యూటీ సూపరింటిండెంట్గా పని చేస్తున్నారు. రామ మందిర్ రోడ్డులోని ఎంఎంఆర్డిఎ కాలనీలో రూబీ ఒంటరిగానే ఉంటోంది. బీహార్లో రూబీ పొరుగున ఉండే రోహిత్ ఆమె శవాన్ని చూశాడు. ముంబై వచ్చినప్పుడల్లా అతను ఆమె వద్దకు వస్తుంటాడు.
రోహిత్ కూడా నటుడేనని, కాండవ్లీ హోటల్లో ఉంటున్నాడని, గురువారం అతను రూబీ ఇంటికి వచ్చాడని, ఆమె స్లీపింగ్ పిల్స్ మింగినట్లు గ్రహించాడని, ఆ విషయం రూబీ తల్లికి అతను చెప్పాడని, రూబీ తల్లితో చాలా సేపు మాట్లాడిందని, రూబీ బాగానే ఉన్నట్లు భావించి అతను వెళ్లిపోయాడని ఓ అధికారి చెప్పారు. మళ్లీ శుక్రవారం రాత్రి మూడున్నర గంటల ప్రాంతంలో రూబీ ఇంటికి రోహిత్ వచ్చాడని, కాలింగ్ బెల్లు నొక్కితే తలుపులు తెరుచుకోలేదని, దాంతో బలవంతంగా తలుపులు తీసి లోనికి వెళ్లి చూశాడని, రూబీ దుపట్టాతో సీలింగ్ ఫ్యాన్కు ఉరేసుకుని కనిపించిందని చెబుతున్నారు.