తెలంగాణ వ్యతిరేకిని కాను: గవర్నర్ నరసింహన్

న్యూఢిల్లీ: తాను తెలంగాణ వ్యతిరేకిని కానని రాష్ట్ర గవర్నర్ నరసింహన్ స్పష్టం చేశారు. రాష్ట్రవతి భవన్‌లో వ్యవసాయ సంబంధమైన సమావేశంలో పాల్గొనడానికి ఆయన ఢిల్లీ వచ్చారు. తెలంగాణ మంత్రులు, శాసనసభ్యులు, నాయకులు చేస్తున్న వ్యాఖ్యలను మీడియా ప్రతినిధులు ప్రస్తావించినప్పుడు తాను ఏదో ఒక ప్రాంతానికి సంబంధించిన వ్యక్తిగా వ్యవహరించడం లేదని, రాయలసీమ, తెలంగాణ, ఆంధ్ర అన్ని ప్రాంతాలు తనకు సమానమేనని ఆయన అన్నారు.

మద్యం సిండికేట్లపై ప్రభుత్వమే తేలుస్తుందని, ప్రభుత్వం చర్యలు తీసుకుంటుందని భావిస్తున్నానని ఆయన అన్నారు. తాను కేంద్ర ప్రభుత్వానికి ఏ విధమైన నివేదిక ఇవ్వడం లేదని, అధికారిక సమావేశంలో పాల్గొనడానికి మాత్రమే తాను వచ్చానని ఆయన చెప్పారు. రాష్ట్రం సర్వతోముఖాభివృద్ధి సాధిస్తోందని ఆయన చెప్పారు. కేంద్ర హోం మంత్రి చిదంబరంతో ఆయన సమావేశమయ్యారు. అయితే, తాను చిదంబరాన్ని మర్యాదవూర్వకంగానే కలిశానని ఆయన చెప్పారు.

English summary

Governor Narasimhan clarified that he is not against Telangana.