భయపడేది లేదు, సమ్మె విరమించేది లేదు: జూడాలు

హైదరాబాద్: సమ్మె విరమణ విషయంలో జూనియర్ డాక్టర్లు పట్టు బిగిస్తున్నారు. రాజకీయ ప్రయోజనాల కోసమే సీనియర్లు తమను బెదరిస్తున్నారని, సమ్మె విరమించేది లేదని జూనియర్ డాక్టర్లు అంటున్నారు. సమ్మె విరమించాలని తెలంగాణ వైద్యుల సంఘం వారిని డిమాండ్ చేస్తోంది. అయితే, ప్రభుత్వం అంగీకరించే విషయాలపై తమకు రాతపూర్వకమైన హామీ ఇస్తే తాము సమ్మె విరమిస్తామని జూనియర్ డాక్టర్లు అంటున్నారు. సమ్మెను మరింత ఉధృతం చేస్తామని జూనియర్ డాక్టర్లు అంటున్నారు.

జూనియర్ డాక్టర్ల సమ్మె వల్ల తెలంగాణ ప్రజలకు నష్టం జరుగుతోందని తెలంగాణ వైద్యుల సంఘం అంటోంది. అయితే, జూనియర్ డాక్టర్లు వెనక్కి తగ్గడానికి సిద్ధంగా లేరు. జూనియర్ డాక్టర్లతో మంగళవారం తెలంగాణ వైద్యుల సంఘం ప్రతినిధులు చర్చలు జరిపారు. రాతపూర్వకమైన హామీ కోసం జూనియర్ డాక్టర్లు పట్టుబడుతున్నారు. తమ డిమాండ్లను సాధించే వరకు సమ్మెను విరమించబోమని చెబుతున్నారు. రాజకీయ ప్రయోజనాల కోసమే కొందరు ఉద్యమాన్ని నీరు గార్చడానికి ప్రయత్నిస్తున్నారని వారు విమర్శిస్తున్నారు.

English summary

Junior doctors are rejecting to withdraw strike, provided written promise on their demands.