తెలంగాణపై తెరాసది అసెంబ్లీలో నాటకమే: జగ్గారెడ్డి

హైదరాబాద్: తెలంగాణ రాష్ట్ర ఏర్పాటుకు శాసనసభలో తీర్మానం ప్రతిపాదిస్తే తెలంగాణకు చెందిన 116 మంది శాసనసభ్యులతో ఎలా నెగ్గుతుందని ప్రభుత్వ విప్, కాంగ్రెసు శాసనసభ్యుడు తూర్పు జయప్రకాష్ రెడ్డి (జగ్గారెడ్డి) ప్రశ్నించారు. తెలంగాణపై శాసనసభలో తీర్మానం ప్రతిపాదించాలని తెరాస శాసనసభ్యులు చేస్తున్న హడావిడి నాటకమేనని ఆయన బుధవారం మీడియా ప్రతినిధులతో అన్నారు. తెలంగాణకు పదవులు అడగడంలో తప్పు లేదని ఆయన అన్నారు. తెలంగాణపై తమ కాంగ్రెసు పార్టీ అధిష్టానిదే తుది నిర్ణయమని ఆయన అన్నారు.

తగిన సంఖ్యాబలం లేనందున శాసనసభలో తీర్మానం ప్రతిపాదించాలనే తెరాస ఆలోచన తప్పు అని ఆయన అన్నారు. రాజకీయ లబ్ధి కోసమే తెరాస శాసనసభా కార్యక్రమాలను అడ్డుకుంటోందని ఆయన విమర్శించారు. తెరాసది మొదటి నుంచి రాజకీయ ఎజెండానే అని ఆయన అన్నారు.

English summary

Government whip Jagga Reddy smashed that TRS is playing drama in Telangana issue.