అంతర్జాతీయ వ్యభిచార కూపంలో తెలుగు నటి

ముంబై: అంతర్జాతీయ వ్యభిచార కూపంలో చిక్కుకుపోయిన ఓ తెలుగు నటిని ముంబై పోలీసులు రక్షించారు. అంతర్జాతీయ వ్యభిచార ముఠా గుట్టును ముంబై పోలీసులు రట్టు చేశారు. ఇందుకు సంబంధించి ముగ్గురిని పోలీసులు అరెస్టు చేశారు. ఉజ్బెకిస్తాన్‌కు చెందిన ఓ యువతిని, తెలుగు నటిని పోలీసులు రక్షించారు. నగర శివారులోని శాంతాక్రజ్ ప్రాంతంలోని ఓ ఫైవ్ స్టార్ హోటల్ ముందు బ్రోకర్లుగా వ్యవహరిస్తున్న ముగ్గురు వ్యక్తులను పోలీసులు అరెస్టు చేశారు.

కొన్ని తెలుగు సినిమాల్లో నటించి, ఆ తర్వాత మోడల్‌గా ముంబైలో స్థిరపడిన ఓ యువతిని రక్షించామని పోలీసులు చెప్పినప్పటికీ ఆమె వివరాలను వెల్లడించలేదు. విటుల రూపంలో పోలీసులు వెళ్లి ఆ వ్యభిచార ముఠా గుట్టు రట్టు చేశారు. తెలుగు నటిని, ఉజ్బెకిస్తాన్ మహిళను రిమాండ్ హోంకు పంపి అక్కడ వారికి కౌన్సెలింగ్ నిర్వహించి, ఆ తర్వాత ఇంటికి పంపుతామని పోలీసులు చెప్పారు. విదేశీ యువతులకు 50 నుంచి 60 వేల రూపాయలు, దేసీ యువతులకు రూ. 40 వేలు కస్టమర్ల నుంచి వసూలు చేస్తున్నట్లు తెలుస్తోంది.

English summary

An Telugu actress was released from a mumbai gang by police.