హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

బాబుకు రాఘవులు షాక్: ఉప పోరులో సిపిఎం

By Pratap
|
Google Oneindia TeluguNews

BV Raghavulu
హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడికి సిపిఎం రాష్ట్ర కార్యదర్శి బివి రాఘవులు షాక్ ఇచ్చారు. రాష్ట్రంలోని ఏడు స్థానాలకు జరిగే ఉప ఎన్నికల్లో రెండు స్థానాల్లో పోటీ చేస్తామని రాఘవులు శనివారం మీడియా ప్రతినిధుల సమావేశంలో చెప్పారు. సమైక్యవాదం వినిపిస్తున్న సిపిఎం ఓట్లు తమకు తెలంగాణలో కలిసి వస్తాయనే చంద్రబాబు ఆశలు వమ్మయ్యే పరిస్థితే ఉంది. తెలంగాణలోని రెండు స్థానాలకు పోటీ చేయనున్నట్లు రాఘవులు చెప్పారు.

వరంగల్ జిల్లా స్టేషన్ ఘనపూర్ నియోజకవర్గాల్లో పోటీ చేసేందుకు సిపిఎం రంగం సిద్ధం చేసుకుంటోంది. అలాగే నెల్లూరు జిల్లా కొవ్వూరులో కూడా పోటీ చేసే ఆలోచనలో ఉన్నట్లు తెలుస్తోంది. మిగతా వామపక్షాల మద్దతు తీసుకుని ఉప ఎన్నికల్లో పోటీ చేయాలని సిపిఎం భావిస్తోంది. తెలుగుదేశం పార్టీతో అవగాహనకు రావడం కన్నా క్యాడర్‌ను నిలుపుకోవడానికి పోటీ చేయడమే మేలన్న భావనతో సిపిఎం నాయకత్వం ఉన్నట్లు తెలుస్తోంది.

మిగతా స్థానాల్లో ఎవరికి మద్దతు ఇవ్వాలనే విషయంపై ఆలోచిస్తామని రాఘవులు చెప్పారు. తెలుగుదేశం పార్టీతో పొత్తు లేదని రాఘవులు స్పష్టం చేశారు. కాగా, ఉప ఎన్నికల్లో తాము ఎప్పుడూ పోటీ చేయలేదని, ఉప ఎన్నికలపై ఈ నెల 21వ తేదీ తర్వాత నిర్ణయం తీసుకుంటామని సిపిఐ కార్యదర్శి కె. నారాయణ చెప్పారు. తెలుగుదేశం పార్టీకి మద్దతివ్వాలా, సిపిఎంకు ఇవ్వాలా అనే విషయంపై కరీంనగర్‌లో జరిగే మహాసభలో నిర్ణయిస్తామని ఆయన చెప్పారు.

English summary
CPM secretary BV Raghavulu said that his party will contest in bypolls.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X