వచ్చే ఏడాదికల్లా ప్రబుత్వం కూలుతుంది: కోదండరామ్

By Pratap

Published: Thursday, February 23, 2012, 18:10 [IST]

హైదరాబాద్: వచ్చే ఏడాదికల్లా ప్రభుత్వం కూలిపోతుందని తెలంగాణ రాజకీయ జెఎసి చైర్మన్ కోదండరామ్ జోస్యం చెప్పారు. విద్యార్థుల పరీక్షలు పూర్తయిన తర్వాత ఉద్యమాన్ని ఉధృతం చేస్తామని ఆయన చెప్పారు. 2013కల్లా రాష్ట్ర ప్రభుత్వం పడిపోతుందని ఆయన అన్నారు. ఆయన గురువారం మీడియా ప్రతినిధులతో మాట్లాడారు. ప్రత్యేక తెలంగాణ కోసం రాజీనామా చేసిన నేతలకు పొలిటికల్ జేఏసీ మద్దతు ఉంటుందని ఆయన చెప్పారు. ఉద్యోగుల సమస్యపై మార్చి 3న కలెక్టరేట్ల ముట్టడికి పిలుపునిచ్చారు.

కాగా మహబూబ్‌నగర్ ఉప ఎన్నిక విషయంలో ఏ పార్టీకి మద్దతు ఇవ్వాలన్నది ఇంకా నిర్ణయం తీసుకోలేదని ఆయన చెప్పారు. తెలంగాణలోని కామారెడ్డి, కొల్లాపూర్, ఆదిలాబాద్, స్టేషన్ ఘనపూర్ నియోజకవర్గాల్లో తెలంగాణ జెఎసి మద్దతు ఇస్తుంది. నాగర్ కర్నూలులో నాగం జనార్దన్ రెడ్డికి మద్దతు ఇస్తుంది. మహబూబ్‌నగర్‌లో బిజెపి కూడా పోటీలో ఉండే అవకాశాలు ఉన్నందున తెలంగాణ జెఎసి ఇంకా నిర్ణయం తీసుకోలేదని తెలుస్తోంది.

Published On February 23, 2012