చంద్రబాబు హెరిటేజ్ డెయిరీపై ముఖ్యమంత్రి ఫైర్

By Pratap

Published: Thursday, February 23, 2012, 17:27 [IST]

హైదరాబాద్: తెలుగదేశం పార్టీ అధ్యక్షుడు నారా చంద్రబాబు నాయుడు కుటుంబ సభ్యులకు చెందిన హెరిటేజ్ డెయిరీపై ముఖ్యమంత్రి కిరణ్ కుమార్ రెడ్డి తీవ్ర వ్యాఖ్యలు చేశారు. గవర్నర్ ప్రసంగానికి ధన్యవాదాలు తెలిపే తీర్మానంపై జరిగిన చర్చకు సమాధానం ఇస్తూ గురువారం శానససభలో హెరిటేజ్ కోసం చిత్తూరులోని సహకార డెయిరీని దెబ్బ తీశారని ఆయన అన్నారు. లక్షల మంది రైతులకు ఉపయోగపడుతున్న సహకార డెయిరీని దెబ్బ తీశారని ఆయన అన్నారు. దీనికి సంబంధించి తాను టెలిగ్రామ్‌లు ఇచ్చానని, మళ్లీ చెప్పాల్సిన అవసరం లేదని ఆయన అన్నారు.

సహకార డెయిరీకి చెందిన బెంగుళూర్, మద్రాసు ఆర్డర్లను ఎప్పుడు, ఎలా రద్దు చేశారనే వివరాలు, ఏ షాపులో ఏ పాలను తీసేసి ఏ పాలను విక్రయించారు అనే వివరాలు తన వద్ద ఉన్నాయని ఆయన అన్నారు. హెరిటేజ్, మిగతా డెయిరీలో కలిసి రైతులను ఏ విధంగా తీసింది కూడా తాను చెప్పగలనని ఆయన అన్నారు. రైతులను అప్పుల పాలు చేశారని ఆయన విమర్శించారు.

Published On February 23, 2012