రాజకీయాలంటే ఇంట్రెస్ట్ కానీ రాణిస్తానో లేదో: నాగార్జున

తిరుపతి: తెలుగు టాప్ హీరో యువసామ్రాట్ నాగార్జున శనివారం సంచలన వ్యాఖ్యలు చేశారు. తనకు రాజకీయాలు అంటే ఎంతో ఆసక్తి అని ఆయన చెప్పారు. అయితే తాను రాజకీయాల్లో రాణిస్తానో లేదో మాత్రం తెలియదన్నారు. తనకు రాజకీయాలు సెట్ అవుతాయా లేదా అనే విషయం మాత్రం తెలియదన్నారు. రాజకీయాల గురించి ఎప్పటికప్పుడు తెలుసుకుంటూ ఉంటానన్నారు. మనకి రాజకీయ లీడర్లు అవసరమన్నారు. అయితే తాను ప్రత్యక్ష రాజకీయాల్లోకి రానని మాత్రం చెప్పారు.

తిరుపతి కళ్యాణ్ జ్యువెల్లర్స్ షోరూం ప్రారంభ కార్యక్రమంలో నాగార్జున ఈ వ్యాఖ్యలు చేశారు. తనకు భక్తిరస, ఆధ్యాత్మిక చిత్రాలు చేయడం ఇష్టమన్నారు. నియమ నిష్ఠలతో షిరిడి సాయిబాబా చిత్రం షూటింగులో పాల్గొంటున్నానని చెప్పారు. సినిమాల్లోకి వచ్చేది అఖిల్ ఇష్టమన్నారు. త్వరలో ఢమరుకం విడుదలవుతుందని చెప్పారు.

English summary

Cine Hero Nagarjuna said that he is very interested in politics.