కోవూరులో తెరాస పోటీ మంచి పని: లగడపాటి

హైదరాబాద్: కోవూరులో తెరాస పోటీ చేయడం శుభ పరిణామమని కాంగ్రెస్ సీమాంధ్ర పార్లమెంటు సభ్యుడు లగడపాటి రాజగోపాల్ వ్యాఖ్యానించారు. 'ఎవరైనా ఏ ప్రాంతంలోనైనా తిరగవచ్చు. వాళ్ల బాధలను చెప్పుకోవచ్చు. అలాగే టీఆర్ఎస్ వాళ్లు కూడా ఆంధ్ర, సీమల్లో ప్రచారం చేసుకోవచ్చు. ఇప్పుడు తెలంగాణ, ఆంధ్ర సమ స్య కాదు. ఇది పార్టీల వ్యవహారం. ప్రతి ఎన్నికల్లో ఎన్నో పార్టీలు పోటీ చేస్తుంటాయి. ఏ పార్టీకి ఓటు వేయాలి అ నేది ప్రజలే నిర్ణయించుకుంటారు. ఓట్లు ముఖ్యం కాదు. వారి వారి వాదనను ప్రజలకు వినిపించుకోవడం ప్రధానం' అని రాజగోపాల్ అన్నారు. ఆయన ఆదివారం ఓ ప్రముఖ దినపత్రిక ప్రతినిధితో ఫోన్‌లో మాట్లాడారు.

కేసీఆర్‌కు ఇందులో వ్యూహం ఏమీ లేదని, సమాజ్‌వాదీ పార్టీ యూపీలో పుట్టిందని, ఇప్పుడు అనేక రాష్ట్రాల్లో పోటీ చేస్తోందని, బీఎస్పీ కూడా అనేక రాష్ట్రాల్లో పోటీ చేస్తోందని, రాష్ట్రాలు దాటి ప్రాంతీయ పార్టీలు పోటీ చేస్తున్నప్పుడు ప్రాంతీయ పార్టీ అయినా, ఉప ప్రాంతీయ పార్టీ అయినా రాష్ట్రంలో ఎక్కడైనా పోటీ చేసే అవకాశం ఉందని ఆయన అన్నారు. బలం లేకున్నా చాలామంది పోటీ చే స్తుంటారని, అలాగే టీఆర్ఎస్ కూడా పోటీ చేయవచ్చనని, కేసీఆర్ వస్తే ఎలాంటి ఆటంకం ఉండదని, ప్రచారం చేసుకోవచ్చునని ఆయన అన్నారు.

2004లో టీఆర్ఎస్ అభ్యర్థులు ఆంధ్ర, రాయలసీమల్లో పోటీ చేశారని, ఇప్పుడు మళ్లీ పోటీ చేస్తున్నా రని ఆయన అన్నారు. తెలంగాణలో జగన్ పోటీ చేయడం లేదని, అక్కడ బాబును అడ్డుకున్నట్లు జగన్‌ను అడ్డుకోలేదని, ఇవన్నీ చూశాక టీఆర్ఎస్‌కు, జగన్‌కు మంచి సంబంధాలు ఉ న్నాయని అనుకుంటున్నారని లగడపాటి అన్నారు.

English summary

Congress Seemandhra MP Lagadapati Rajagopal invited TRS president KCR statement.