• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

నీ చరిత్రే బయటపెడతాం: కెసిఆర్‌కు తలసాని కౌంటర్

By Srinivas
|

Talasani Srinivas Yadav
హైదరాబాద్: తమ పార్టీ అధినేత నారా చంద్రబాబు నాయుడు చరిత్ర బయటపెడతానని బ్లాక్ మెయిల్ చేస్తున్న తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు చరిత్రను తామే బయటపెడతామని తెలుగుదేశం పార్టీ నేత తలసాని శ్రీనివాస యాదవ్ ఆదివారం కౌంటర్ వేశారు. ఉప ఎన్నికల్లో మెజారిటీ రాకపోతే పార్టీని మూసేసుకుంటావా? అని ఆయన సవాల్ విసిరారు. కోవూరులోనూ పోటీ చేస్తామంటున్న టిఆర్ఎస్ మొదట తెలంగాణలో ఎన్ని స్థానాలను గెలుచుకుంటుందో తేల్చుకోవాలని ఆ పార్టీ సీనియర్ నేత తలసాని శ్రీనివాస్ యాదవ్ ఎద్దేవా చేశారు. టిడిపికి డిపాజిట్లు రావంటున్న కెసిఆర్ ముందు తన పార్టీ సంగతి చూసుకోవాలని హితవు పలికారు. లోకేష్ చదువుల కోసం చంద్రబాబు తన డబ్బునే ఖర్చు పెట్టుకున్నారని, కెసిఆర్ మాదిరిగా దొంగ పాస్‌పోర్టులు, టిక్కెట్లను అమ్ముకోలేదన్నారు. సకల జనుల సమ్మెను కాంగ్రెస్ అధ్యక్షురాలు సోనియా గాంధీకి తాకట్టు పెట్టిన కెసిఆర్ అందుకు ప్రతిఫలంగా పోలవరం టెండర్లను దక్కించుకున్న విషయం నిజం కాదా అని ప్రశ్నించారు.

రాజం ఎవరో తెలియదని కెసిఆర్ మరోసారి బహిరంగంగా చెప్పగలడా అన్నారు. సకల జనుల సమ్మె తర్వాత నాలుగు నెలల పాటు అఙ్ఞాతంలో ఎందుకున్నావని ప్రశ్నించారు. తెలంగాణ ఉద్యమం పేరుతో ఆస్తులు కూడబెట్టుకున్నారని ఆరోపించారు. రాజకీయ గురువైన మదన్‌ మోహన్‌ను మోసం చేయలేదా అన్నారు. నీకు మంత్రి పదవి ఇస్తే టిఆర్ఎస్ పుట్టుకొచ్చేదే కాదన్నారు. బూట్ పాలిష్ గాళ్లంటూ బజారు భాష మాట్లాడుతున్న కెసిఆర్‌కు వ్యక్తిత్వం లేదని, ఆధారాలు లేకుండా ఆరోపణలు చేయడం అతనికి వెన్నతో పెట్టిన విద్య అన్నారు. టిడిపిలో ఉన్నప్పుడు నువ్వు అలాగే బూట్‌పాలిష్ చేశావా అని ఎద్దేవా చేశారు.

English summary
TDP senior leader Talasani Srinivas Yadav countered TRS chief K Chandrasekhar Rao.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X