భర్తను చితకబాది భార్యను ఎత్తుకెళ్లిన లారీ డ్రైవర్

రాజమండ్రి: తూర్పు గోదావరి జిల్లాలో బుధవారం దారుణం జరిగింది. భర్తపై దాడి చేసి భార్యను ఎత్తుకెళ్లిన సంఘటన జిల్లాలోని మురారిలో చోటు చేసుకుంది. శ్రీనివాస్, కవిత అనే దంపతులు విశాఖపట్నం వెళ్లేందుకు మంగళవారం రాత్రి ఓ లారీ ఎక్కారు. లారీలో డ్రైవర్‌తో పాటు ఓ క్లీనర్ ఉన్నాడు. కొద్ది దూరం వెళ్లాక డ్రైవర్, క్లీనర్ ఇద్దరు కలిసి లారీ ఎక్కిన భర్త శ్రీనివాస్ పైన దాడి చేశారు. ఆయనను తీవ్రంగా గాయపర్చారు. తీవ్ర గాయాలైన శ్రీనివాస్ అక్కడే సొమ్మసిల్లి పడిపోయాడు. వారు అతనిని అక్కడే వదిలేసి ఆయన భార్య కవితను మాత్రం ఎత్తుకు పోయారు. ఈ సంఘటన రావులపాలెం పరిసర ప్రాంతంలో జరిగింది.

ఉదయం గాయాలతో పడి ఉన్న శ్రీనివాస్‌ను స్థానికులు గుర్తించారు. ఆ తర్వాత శ్రీనివాస్ దగ్గరలోని గండేపల్లి పోలీస్ స్టేషన్‌కు వెళ్లి ఫిర్యాదు చేశారు. పోలీసులు అతని ఫిర్యాదు తీసుకున్నారు. శ్రీనివాస్ ఎక్కిన లారీ నంబర్ ను స్థానికుల నుండి తీసుకొని, డ్రైవర్ గురించి పోలీసులు గాలిస్తున్నారు. తీవ్ర గాయాలు అయిన శ్రీనివాస్‌ను ఆసుపత్రిలో చేర్పించి చికిత్స చేయిస్తున్నారు.

English summary

A lorry driver in East Godavari district beat husband and lifted away his wife.