చిరు కాంగ్రెసు మనిషి, గుర్తుంచుకోవాలి: రేణుకా చౌదరి

By Pratap

Published: Monday, March 5, 2012, 18:22 [IST]

న్యూఢిల్లీ: మెగాస్టార్ చిరంజీవి కాంగ్రెసు వ్యక్తి అని, ఈ విషయాన్ని పార్టీ నాయకులు గుర్తుంచుకోవాలని ఎఐసిసి అధికార ప్రతినిధి రేణుకా చౌదరి అన్నారు. ఎన్నికల తర్వాతనే తాను తెలంగాణపై మాట్లాడుతానని ఆమె సోమవారం మీడియా ప్రతినిధులతో అన్నారు. ఉత్తరప్రదేశ్‌లో కాంగ్రెసు ఘన విజయం సాధిస్తుందని ఆమె దీమా వ్యక్తం చేశారు. ఉత్తరప్రదేశ్‌లో తమ పార్టీ అధికారంలోకి రావడం ముఖ్యమ కాదని, తమ పార్టీ నాయకుడు రాహుల్ గాంధీ భవిష్యత్తు తరాలకు పునాదులు వేశారని, రాహుల్ గాంధీకి భవిష్యత్తు దృష్టి ఎక్కువ అని ఆమె అన్నారు.

రాజ్యసభ సీటు ఇస్తే తీసుకుంటానని ఆమె అన్నారు. మీరు రాజ్యసభ సీటుకు రేసులో ఉన్నారా అని అడిగితే రాజ్యసభ రేసుకు తప్ప మిగతా రేసులకు తాను పనికి రానా అని ఆమె చమత్కరించారు. తాను రాజ్యసభ ఎన్నికల రేసులో ఉన్నానని మీడియా రాస్తున్నందుకు కృతజ్ఞతలు అని ఆమె అన్నారు. రాజ్యసభ అభ్యర్థులపై తుది నిర్ణయం పార్టీ అధిష్టానానిదేనని ఆమె అన్నారు.

Published On March 5, 2012