అసెంబ్లీలో పోర్న్ చూసిన ఎమ్మెల్యేలు ఇంకా ఉన్నారా?

బెంగళూరు: కర్ణాటక పోర్న్‌గేట్ కుంభకోణంలో మరింత మంది శాసనసభ్యులు పాలు పంచుకున్నట్లు వార్తలు వస్తున్నాయి. పోర్న్ గేట్ కుంభకోణంపై శాసనసభ్యులు ప్యానెల్ కమిటీ ముందు హాజరయ్యారు. మరింత మంది శాసనసభ్యులు పోర్న్ వీడియో చూసినట్లు కమిటీ అనుమానించి నివేదిక సమర్పణను వాయిదా వేసింది. న్యాయపరమైన పారామీటర్లను పరిశీలిస్తున్నామని, దాని తర్వాత వారిని పిలుస్తామని విచారణ కమిటీ చైర్మన్ శ్రీశైలప్ప బిదరూర్ చెప్పారు.

శాసనసభలో మొబైల్ ఫోన్‌లో శృంగారపరమైన వీడియోను చూస్తూ మంత్రులు సిసి పాటిల్, లక్ష్మన సావది, కృష్ణ పాలేమార్ పట్టుబడ్డారు. దాంతో వారు మంత్రి పదవులకు కూడా రాజీనామా చేయాల్సి వచ్చింది. కమిటీ ముందు ఏం చెప్పానో మీకెలా చెప్పగలుగుతానని, ఇప్పటికే తాను ఆవేదన చెందుతున్నానని కృష్ణ పాలెమార్ అన్నారు. తానేం చెప్పుతున్నానో మీకు తెలుసునని ఆయన మీడియా ప్రతినిధులతో అన్నారు. ఓ మహిళను వేధిస్తున్న డాక్యుమెంటరీని మాత్రమే తాము చూశామని మాజీ మంత్రులు అంటున్నారు.

English summary

After the BJP MLAs appeared before the panel committee over the Porngate Scandal, the committee suspects that more MLAs watched the sleazy video and delayed the probe report.