సరిగమలు సినిమా సంగీత దర్శకుడు కన్నుమూత

ముంబై: సరిగమలు తెలుగు సినిమాకు సంగీతం అందించిన ప్రముఖ సంగీత దర్శకుడు బొంబే రవి (86) బుధవారం రాత్రి కన్ను మూశారు. ఆయన అసలు పేరు రవిశంకర్ శర్మ. ఆయన స్వస్థలం ఢిల్లీ. హిందీలో 70, మలయాళంలో 14 సినిమాలుక ఆయన సంగీతం అందించారు. తెలుగులో ఆయన చేసిన ఏకైక సినిమా సరిగమలు. ఈ చిత్రంలోని పాటలు ఇప్పటికీ ప్రజాదరణ పొందుతున్నాయి. సరిగమలు సినిమాలోని సవ్రరాగ గంగా ప్రవాహమే అనే గీతం ఎంతో ప్రాచుర్యం పొందింది.

మలయాళంలో ఆయన సంగీతం సమకూర్చిన వైశాలి అనే తెలుగు సినిమాను తెలుగు డబ్ చేశారు. ఆ సినిమాలోని పాటలు కూడా ప్రజాదరణ పొందాయి. హిందీలో చౌదవీ కా చాంద్, చైనా టౌన్, గుమ్‌రాహ్, రాకీ, వాంటెడ్, వక్త, నీల్ కమల్ తదితర సినిమాలకు ఆయనకు మంచి పేరు తెచ్చి పెట్టాయి. గత కొంత కాలంగా ఆయన అనారోగ్యంతో బాధ పడుతున్నారు. రవి భార్య 1988లో మరణించారు.

English summary

Renowned music director of yesteryear, Ravi Shankar Sharma, popular called as 'Bombay Ravi' passed away here late Wednesday night, according to family sources