సామూహిక అత్యాచారం‌: ప్రశ్నిస్తే కత్తులతో దాడి చేశారు

By Srinivas

Published: Friday, March 9, 2012, 14:06 [IST]

వరంగల్/గుంటూరు: వరంగల్ జిల్లాలో శుక్రవారం దారుణం చోటు చేసుకుంది. జిల్లాలోని గూడురు మండలం శివారులోని ఊట్ల గ్రామంలో ఓ మహిళపై ముగ్గురు యువకులు సామూహిక అత్యాచారానికి పాల్పడ్డారు. ఈ విషయం తెలిసిన సదరు మహిళ కుటుంబ సభ్యులు ఆ యువకులను నిలదీశారు. దీంతో వారు మహిళ కుటుంబ సభ్యులపై కత్తులతో దాడి చేశారు. ఈ దాడిలో నలుగురు కుటుంబ సభ్యులకు తీవ్ర గాయాలయ్యాయి. వారిని వెంటనే సమీపంలోని ఆసుపత్రికి తరలించారు. సామూహిక అత్యాచార బాధితురాలు ఓ గిరిజన మహిళగా తెలుస్తోంది. పోలీసులు కేసు నమోదు చేసుకొని దర్యాఫ్తు చేస్తున్నారు.

మరోవైపు గుంటూరు జిల్లాలో విద్యార్థినుల పట్ల అసభ్యంగా ప్రవర్తిస్తున్న ఉపాధ్యాయుడికి స్థానికులు, తల్లిదండ్రులు దేహశుద్ధి చేశారు. జిల్లాలోని దుగ్గిరాల మండలం దేవేంద్రపాడులో ఓ ఉపాధ్యాయుడు గత కొంతకాలంగా విద్యార్థినుల పట్ల అసభ్యంగా ప్రవర్తిస్తున్నాడు. వారు తమ తల్లిదండ్రులకు ఫిర్యాదు చేశారు. దీంతో వారు శుక్రవారం పాఠశాలకు వచ్చి తల్లిదండ్రులు ఉపాధ్యాయుడికి దేహశుద్ధి చేశారు. అనంతరం నిందితుడిని పోలీసులకు అప్పగించారు.

Published On March 9, 2012