ఐపియస్ అధికారి నరేంద్ర హత్య వెనక కుట్ర?

గ్వాలియర్: యువ ఐపియస్ అధికారి నరేంద్ర కుమార్ హత్య వెనక కుట్ర ఉందని ఆనయ తండ్రి కేశవ్ దేవ్ ఆరోపిస్తున్నారు. మధ్యప్రదేశ్‌లో గురువారం సాయంత్రం ఆయనపై నుంచి ట్రాక్టర్‌ను తోలి ఆయనను హత్య చేసిన విషయం తెలిసిందే. మైనింగ్ మాఫియానే నరేంద్ర కుమార్ హత్యకు కారణమని భావిస్తున్నారు. స్థానిక పోలీసుల నుంచి సహకారం లభించకపోవడమే చాలా కాలంగా తన కుమారుడు నరేంద్ర కుమార్ హత్యకు కుట్ర చేశాని అనడానికి నిదర్శనమని కేశవ్ దేవ్ అన్నారు. పోలీసులు ఉండగా ఓ ఐపియస్ అధికారి ట్రాక్టర్‌కు అడ్డంగా వెళ్లాల్సిన అవసరం ఏముందని ఆయన అడిగారు.

తన కోడలి ప్రాణాలకు కూడా ముప్పు ఉందని ఆయన అన్నారు. ఐపియస్ అధికారి హత్యకు బాధ్యులైన వారిని వదిలేది లేదని బిజెపికి చెందిన హోం మంత్రి శంకర్ గుప్తా చెప్పారు. హోం మంత్రి రాజీనామా చేయాలని ప్రతిపక్ష నాయకుడు అజయ్ సింగ్ డిమాండ్ చేశారు. రాష్ట్రంలో అక్రమ మైనింగ్‌కు ముఖ్యమంత్రి శివరాజ్ సింగ్ చౌహాన్ ప్రోత్సాహం అందిస్తున్నారని ఆయన విమర్శించారు. హోళీ పర్వదినం రోజు ఐపియస్ అధికారి హత్యకు గురి కావడం మధ్యప్రదేశ్ చరిత్రలో విషాద సంఘటన అని ఆయన అన్నారు. పలుమార్లు లేవనెత్తినప్పటికీ ప్రభుత్వం అక్రమ మైనింగ్‌పై చర్యలు తీసుకోవడం లేదని విమర్సించారు.

English summary

With the nation shocked by the news of the young IPS officer, Narendra Kumar brutally crushed to death allegedly by the mining mafia in Madhya Pradesh, the deceased officers father, Keshav Dev has said that there was a conspiracy behind his killing.