జగన్, కెసిఆర్ రహస్య ఒప్పందం: కెసిఆర్ మేనల్లుడి ఫైర్

నిజామాబాద్: హైదరాబాదులోని తెలంగాణ భవనం తెలంగాణ ప్రజల సొత్తు అని తెలంగాణ రాష్ట్ర సమితి అధ్యక్షుడు, మహబూబ్ నగర్ జిల్లా పార్లమెంటు సభ్యుడు కల్వకుంట్ల చంద్రశేఖర రావు మేనల్లుడు ఉమేష్ రావు శనివారం అన్నారు. ఆయన నిజామాబాద్ జిల్లాలోని కామారెడ్డిలో విలేకరులతో మాట్లాడారు. తెలంగాణ భవనం కెసిఆర్ జాగీరు కాదని మండిపడ్డారు. ఆయన గారడీ మాటలు నమ్మి ప్రజలు ఎవరూ మోసపోవద్దని సూచించారు. వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి, కెసిఆర్ ఆర్థిక లావాదేవీలు నడుపుతూ రహస్య ఒప్పందాలు చేసుకున్నారని విమర్శించారు. తెరాస అభ్యర్థి గంప గోవర్ధన్ కు ఓటు వేస్తే మురికి కాలువలో వేసినట్లేనని ఆయన అభిప్రాయపడ్డారు.

కాగా గత కొంతకాలంగా కెసిఆర్ పైన ఆయన మేనల్లుడు ఉమేష్ రావు మండిపడుతున్న విషయం తెలిసిందే. తెలంగాణ భవనంలో కెసిఆర్ వ్యాపారాలు చేస్తున్నారని, అందులో టివి నడుపుతూ బిజినెస్ చేయడం సరికాదని, అది ప్రభుత్వం రాజకీయ కార్యకలాపాల కోసం ఇచ్చిందన్నారు. వ్యాపారాలు చేస్తే దానిని ప్రభుత్వం వెంటనే స్వాధీన చేసుకోవాలని ఆయన గతంలో మండిపడ్డారు.

English summary

Congress leader Umesh Rao accused that secret agreement between YSR Congress party chief YS Jaganmohan Reddy and TRS chief K Chandrasekhar Rao.