హైదరాబాదులో లేడీ డాక్టర్ ఆత్మహత్య, విషాదం

హైదరాబాద్: హైదరాబాదులోని ఓ లేడీ డాక్టర్ ఆత్మహత్య చేసుకుంది. విషం తీసుకుని ఆస్పత్రిలో చేరిన రాధికా రెడ్డి అనే గైనకాలిజిస్టు ఆదివారంనాడు జూబ్లీహిల్స్ ఆస్పత్రిలో మరణించింది. బంజారాహిల్స్‌లో ఉండే రాధికా రెడ్డి మలక్‌పేటలోని ఓ ప్రైవేట్ ఆస్పత్రిలో పనిచేస్తోంది. ఆమె భర్త సుధీర్ రెడ్డి కూడా వైద్యుడే. ఆయన సికింద్రాబాదులోని అపోలో ఆస్పత్రిలో పనిచేస్తున్నాడు. రాధికా రెడ్డి ఆత్మహత్య చేసుకున్నట్లు పోలీసులు ఆదివారం ఆమె కుటుంబ సభ్యులకు తెలిపారు.

రాధికా రెడ్డి శనివారంనాడు ఆస్పత్రికి వెళ్లలేదని, మధ్యాహ్నం భోజనం చేసిన తర్వాత తన గదిలోకి వెళ్లి తలుపులు వేసుకుని గొల్లెం పెట్టుకుందని, రాత్రి పూటు భోజనానికి పిలవడానికి వెళ్లినప్పుడు ఎంతగా తలుపులు కొట్టినా ఆమె లేవలేదని, దీంతో తలుపులు బద్దలు కొట్టి చూడగా పడకపై స్పృహ కోల్పోయి పడి ఉండడం చూశారని, వెంటనే ఆస్పత్రికి తరలించారని పోలీసులు వివరించారు. ఆమె సూసైడ్ నోట్ ఏదీ రాయలేదని, మరణానికి గల కారణాలు తెలియాల్సి ఉందని వారంటున్నారు.

English summary

A 36-year-old gynaecologist who had on Saturday afternoon consumed poison in a bid to end her life, succumbed on Sunday morning while receiving treatment at a Jubilee Hills hospital.