• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చిరంజీవితో పోటీ లేదు: రాజ్యసభ సీటుపై వైయస్ వివేకా

By Pratap
|

YS Vivekananda Reddy
న్యూఢిల్లీ: రాజ్యసభ సీటు విషయంలో మెగాస్టార్ చిరంజీవితో పోటీ పడాల్సిన అవసరం లేదని, తన ప్రయత్నాలను చిరంజీవికి పోటీ అనుకోవాల్సిన అవసరం లేదని మాజీ మంత్రి, కాంగ్రెసు నాయకుడు వైయస్ వివేకానంద రెడ్డి అన్నారు. రాజ్యసభ సీటు కోసం ఢిల్లీలో తీవ్ర ప్రయత్నాలు చేస్తున్న వివేకానంద రెడ్డి మంగళవారం మీడియా ప్రతినిధులతో మాట్లాడారు. రాజ్యసభ టికెట్ ఇవ్వకపోయినా తాను కాంగ్రెసులోనే ఉంటానని, వేరే వైపు వెళ్లే ప్రసక్తి లేదని ఆయన స్పష్టం చేశారు.

ప్రజారాజ్యం పార్టీని కాంగ్రెసులో విలీనం చేసినప్పుడు రాజ్యసభకు తీసుకుని చిరంజీవికి కేంద్ర మంత్రి ఇస్తామని హామీ ఇచ్చి ఉండవచ్చునని, తాను రాజ్యసభ సీటు అడగానికి మధ్య ఏ విధమైన సంబంధం లేదని ఆయన అన్నారు. చిరంజీవికి ఇచ్చిన హామీకి, తన ప్రయత్నాలకు మధ్య పోటీ పెట్టాల్సిన అవసరం లేదని ఆయన అన్నారు. తనను పార్టీ వాడుకుందనే వాదన నిజం కాదని, పార్టీ కల్పించిన అవకాశాల వల్లనే తాను ఈ స్థాయిలో ఉన్నానని ఆయన అన్నారు. రాజ్యసభ సీటు కోసం తీవ్ర ప్రయత్నాలు చేస్తున్న వైయస్ వివేకానంద రెడ్డి ఢిల్లీలోనే మకాం వేశారు. పదిహేనేళ్ల నుంచి రాయలసీమకు గానీ, కడప జిల్లాకు గానీ రాజ్యసభ సీటు ఇవ్వలేదని ఆయన చెప్పారు.

English summary
Congress leader, ex minister YS Vivekananda Reddy said that his efforts for Rajyasabha seat should not be linked with chiranjeevi.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X