సిఎం రమేష్‌కు రాజ్యసభ, తెలంగాణ అభ్యర్థిపై చర్చ?

హైదరాబాద్: తెలుగుదేశం పార్టీ సిఎం రమేష్‌కు రాజ్యసభను ఖరారు చేసింది. సిఎం రమేష్‌కు రాజ్యసభను కేటాయిస్తున్నట్లు టిడిపి మధ్యాహ్నం ప్రకటించినట్లుగా తెలుస్తోంది. సీమాంధ్ర నుండి సిఎం రమేష్‌కు రాజ్యసభ కేటాయించడంతో మరో రాజ్యసభ సీటు తెలంగాణ నుండి ఎవరికి ఇవ్వాలనే అంశంపై పార్టీలో జోరుగా చర్చ జరుగుతోంది. బిసి, ఎస్సీలలో ఏ వర్గానికి ఇవ్వాలనే అంశంపై టిడిపి అధినేత నారా చంద్రబాబు నాయుడు నేతలతో చర్చిస్తున్నారని సమాచారం. దేవేందర్ గౌడ్, అరవింద్ కుమార్ గౌడ్, బక్కని నర్సింహులు, తలసాని శ్రీనివాస యాదవ్ తదితరులు తెలంగాణ ప్రాంతం నుండి రాజ్యసభ సీటును ఆశిస్తున్నారు.

మరోవైపు తెలుగుదేశం పార్టీ నేత నారా చంద్రబాబు నాయుడు మాట్లాడుతూ.. పార్టీలో కష్టపడిన వారికే రాజ్యసభలో అవకాశం కల్పిస్తామని స్పష్టం చేశారు. పార్టీ నేతలతో చర్చించిన అనంతరమే రాజ్యసభ అభ్యర్థులపై నిర్ణయం తీసుకుంటామని చెప్పారు. మూడో అభ్యర్థిని నిలబెట్టే ఆలోచన లేదని, తమది విలువలతో కూడిన పార్టీ అని, అలాంటి వాటిని సమర్థించనని చంద్రబాబు చెప్పారు.

English summary

CM Ramesh get Rajya Sabha seat from Telugudesam Party.