అవినీతి మంత్రులను అడ్డుకుంటాం: సిపిఐ నారాయణ

By Pratap

Published: Saturday, March 17, 2012, 14:30 [IST]

ఒంగోలు: ఎక్కడికి వెళ్తే అక్కడ కళంకిత మంత్రులను అడ్డుకుంటామని సిపిఐ రాష్ట్ర కార్యదర్శి కె. నారాయణ హెచ్చరించారు. సుప్రీంకోర్టు నోటీసులు అందుకున్న మంత్రులను వెంటనే తొలగించాలని ఆయన డిమాండ్ చేశారు. వారిని తొలగించకపోతే వారు ఎక్కడికి వెళ్తే అక్కడ అడ్డుకుంటామని ఆయన చెప్పారు. పార్టీ ప్రకాశం జిల్లా కార్యవర్గ సమావేశంలో పాల్గొనడానికి ఒంగోలు వచ్చిన ఆయన శనివారం మీడియా ప్రతినిధులతో మాట్లాడారు. కళంకిత మంత్రులు వెంటనే రాజీనామా చేయాలని ఆయన డిమాండ్ చేశారు.

మద్యం వేలం పాటలను ఆపేసి ప్రభుత్వమే ప్రత్యామ్నాయ మార్గాలతో ఆబ్కారీ విధానాన్ని అమలు చేయాలని ఆయన అభిప్రాయపడ్డారు. అలా కాకుండా వేలం పాటలు నిర్వహిస్తే సహించబోమని, వేలంపాటలను అడ్డుకుంటామని ఆయన చెప్పారు. ముఖ్యమంత్రికి చిత్తశుద్ధి ఉంటే మద్యం సిండికేట్లలో సంబంధాలున్నవారి పేర్లు బయటపెట్టాలని ఆయన డిమాండ్ చేశారు.

Published On March 17, 2012