నీకేం తెలుసు?: టిడిపి ఎమ్మెల్సీపై జగన్ మండిపాటు

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి తెలుగుదేశం పార్టీ శాసనమండలి సభ్యుడు సతీష్ రెడ్డిపై శనివారం తీవ్రస్థాయిలో పడ్డారని తెలుస్తోంది. కమిటీ సమావేశానికి కమిటీలోనికి ఎవరిని పడితే వారిని అనుమతిస్తారా అని ప్రశ్నించారు. వారికేం తెలుసు అంటూ పక్కనే ఉన్న టిడిపి ఎమ్మెల్సీ సతీష్ రెడ్డి వైపు చేయి చూపిస్తూ అధికారులను జగన్ ప్రశ్నించారట. దీనిపై స్పందించిన సతీష్ రెడ్డి ప్రజాస్వామ్య పద్ధతిలో ఈ సమావేశాన్ని నిర్వహించి నిర్వాసితులకు న్యాయం జరిగేలా చూద్దామని జగన్‌తో చెప్పారు. దీంతో సతీష్ నీకేం తెలియదంటూ జగన్ సమావేశం నుండి విసురుగా వెళ్లిపోయారట. అయితే అధికారిక సమాచారం మేరకే ఎమ్మెల్సీగా సమావేశంలో పాల్గొంటున్నానని సతీష్ చెప్పారు. దీంతో ఎలాంటి సంబంధం లేదని జగన్ చిన్నాన్నలు వైయస్ భాస్కర రెడ్డి, వైయస్ వివేకానంద రెడ్డిలు గత నెలలో జరిగిన సమావేశంలో హాజరయ్యారని, వారు పెద్దవారనే ఉద్దేశ్యంతో తానేమీ అనలేదని సతీష్ రెడ్డి చెప్పారు.

కండబలం, అధికార బలంతో యూసిఐఎల్ ప్రాజెక్టును ఇక్కడికి తెచ్చేందుకు మీరు అడ్డదారులు తొక్కింది నిజం కాదా? అని ప్రశ్నించారు. ప్రజాభిప్రాయ సేకరణ జరిగినపుడు అనుకూలమైన వారందరినీ ముందుకూర్చోనిచ్చి, వ్యతిరేకిస్తున్న వారి ఆవేదన పట్టించుకోలేదన్న విషయం అందరికీ తెలిసిందేనన్నారు. యూసిఐఎల్ భూ నిర్వాసితులకు న్యాయం జరిగే వరకు తమ ఆందోళన కొనసాగుతుందన్నారు. కాగా యురేనియం కార్పొరేషన్ అధికారులు వ్యవహరిస్తున్న తీరుపై వైయస్ జగన్ తీవ్ర ఆగ్రహం వ్యక్తం చేస్తూ సమావేశాన్ని బహిష్కరించిన విషయం తెలిసిందే.

English summary

YSR Congress Party chief YS Jaganmohan Reddy fired at TDP MLC Satish Reddy.