• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

కూతురు జగన్ పార్టీలోకి సరే, నేను వెళ్లను: నన్నపనేని

By Pratap
|

Nannapaneni Rajakumari
హైదరాబాద్ : తాను అబద్ధాలు చెప్పబోనని, ఏదైనా చెప్పే చేస్తాననిస వైఎస్సార్ కాంగ్రెస్ పార్టీలోకి నా కుమార్తె, అల్లుడు తనకు చెప్పే వైయస్సార్ కాంగ్రెసు పార్టీలోకి వెళ్లారని, వద్దన్నానని కానీ బలవంతం చేయలేను కదా అని తెలుగుదేశం పార్టీ ఎమ్మెల్సీ నన్నపనేని రాజకుమారి అన్నారు. తాను మాత్రం టీడీపీని వీడే ప్రసక్తే లేదని ఆమె స్పష్టం చేశారు. 'నేను టీడీపీలో ఉన్నాను.. మీరు వైఎస్సార్ కాంగ్రెస్ పార్టీలోకి వెళ్లొద్దని ఎంత చెప్పినా వాళ్లకు రుచించలేదు'' అని ఆమె చెప్పారు. తన కూతురిని ఒక అయ్య చేతిలో పెట్టాక ఏదైనా వాళ్ల ఇష్టమేనన్నారు. తన కుమార్తె కులాంతర వివాహం చేసుకుంటేనే తాను అభ్యంతరం చెప్పలేదని, అలాంటిది వేరే పార్టీలోకి వెళతానంటే ఎలా అడ్డుకోగలనని ప్రశ్నించారు.

దివంగత సీఎం వైఎస్‌కు తన అల్లుడు లతీఫ్ రెడ్డి దూరపు బంధువు అని, ఇదే క్రమంలో జగన్ కార్యాలయానికి తన కూతురు, అల్లుడు వెళ్లారని చెప్పారు. 'కూతురు వెళ్లింది కాబట్టి... నేనూ ఆ పార్టీలోకి వెళుతున్నానని అనుకుంటే ఎలా?' అని ప్రశ్నించారు. కుటుంబసభ్యులు వేర్వేరు పార్టీల్లో ఉన్న సందర్భాలు చాలా ఉన్నాయని రాజకుమారి వ్యాఖ్యానించారు. తన కుమార్తె వేరే పార్టీలోకి వెళ్లడం వింత కాదు కదా అని అన్నారు. 'అవినీతి ఆరోపణలున్న పార్టీ గెలిస్తే అది ప్రజల తప్పా? మా తప్పా? టీడీపీ మళ్లీ అధికారంలోకి వస్తుంది. చంద్రబాబు సీఎం అవుతారు' అని రాజకుమారి స్పష్టం చేశారు. తన కూతురికి, అల్లుడికి అవకాశం ఇవ్వాలని రెండు సార్లు చంద్రబాబును కోరానని, అయితే చంద్రబాబు నుంచి హామీ రాలేదని ఆమె చెప్పారు.

English summary
TDP MLC Nannapaneni Rajakumari clarified that she will not leave party.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X