కిరణ్ గుడ్ సిఎం: ముఖ్యమంత్రికి జయసుధ కితాబు

హైదరాబాద్: ముఖ్యమంత్రి కిరణ్ కుమార్ రెడ్డిపై సికింద్రాబాద్ శాసనసభ్యురాలు జయసుధ మంగళవారం ప్రశంసలు కురుపించారు. అసెంబ్లీ వాయిదా పడిన అనంతరం ఆమె శాసనసభ లాబీల్లో విలేకరులతో పిచ్చాపాటిగా మాట్లాడారు. ఈ సందర్భంగా ముఖ్యమంత్రి కిరణ్ కుమార్ రెడ్డి ప్రస్తావన వచ్చింది. ఈ సందర్భంగా ఆమె మాట్లాడుతూ... కిరణ్ కుమార్ రెడ్డి గుడ్ సిఎం అంటూ కితాబు ఇచ్చారు. తాను ముఖ్యమంత్రి అండర్‍‌లో పని చేస్తున్నానని అన్నారు. ఆయన ప్రజలకు మంచి పాలన అందిస్తున్నారని పొగిడారు. రాజ్యసభకు ఎంపికైన తిరుపతి శాసనసభ్యుడు చిరంజీవి కూడా మంగళవారం సిఎల్పీ కార్యాలయంలో మాట్లాడుతూ.. ముఖ్యమంత్రి స్వచ్ఛమైన పాలన, అవినీతిరహిత పాలన అందిస్తున్నారని కితాబు ఇచ్చారు.

కాగా ఇటీవల ముఖ్యమంత్రి కిరణ్ రెడ్డి పైన మంత్రి డిఎల్ రవీంద్రా రెడ్డి, మాజీ మంత్రులు శంకర రావు, పెద్దిరెడ్డి రామచంద్రా రెడ్డిలు తీవ్రస్థాయిలో ధ్వజమెత్తుతున్న విషయం తెలిసిందే. కిరణ్‌ను ఆ పదవి నుండి వెంటనే తొలగించాలని పెద్దిరెడ్డి ఏకంగా అధిష్టానానికి అల్టిమేటం కూడా జారీ చేశారు. వారు త్వరలో ఢిల్లీ వెళ్లి కిరణ్‌పై అధిష్టానానికి ఫిర్యాదు చేయనున్నారు.

English summary

MLA Jayasudha praised CM Kiran Kumar Reddy on wednesday.