అనం హంగామా: చిరు ఆఫీస్ వేడుక, యాంకర్ స్టెప్స్

నెల్లూరు: ఎప్పుడూ తన విచిత్ర వేషాలతో ఆకట్టుకునే శ్రీ పొట్టి శ్రీరాములు నెల్లూరు జిల్లా రూరల్ శాసనసభ్యుడు ఆనం వివేకానంద రెడ్డి మరోసారి అలరించారు. నెల్లూరులో సంవత్సరం క్రితం రాజ్యసభ సభ్యుడు, తిరుపతి మాజీ శాసనసభ్యుడు చిరంజీవి యూత్ కార్యాలయాన్ని అభిమానులు ఏర్పాటు చేశారు. ఈ కార్యాలయం ఏర్పాటు చేసి సంవత్సరం పూర్తయినందున ఓ కార్యక్రమాన్ని ఏర్పాటు చేశారు.

ఈ కార్యక్రమానికి ఆనం వివేకానంద రెడ్డి కూడా హాజరయ్యారు. కార్యక్రమంలో భాగంగా యాంకర్ స్టెప్పులు వేశారు. ఆ అమ్మాయి అల్లు అర్జున్ చిత్రం బద్రీనాథ్ చిత్రంలోని నాథ్ నాథ్ నాథ్ బద్రీనాథ్ అనే పాటకు డ్యాన్స్ చేసింది. ఆమె డ్యాన్స్ చేస్తున్నంత సేపు ఆనం వివేకానంద పాటను హమ్ చేశారు. ఆసక్తిగా తిలకించారు.

నిత్యం కొత్త కొత్త వేషాలతో ప్రజల ముందుకు వచ్చే ఆనం వివేకానంద రెడ్డి గతంలోని పలు మార్లు విచిత్ర వేషాలతో అందరినీ ఆకట్టుకున్నారు. కొద్ది రోజుల క్రితం నెల్లూరులో జరిగిన ప్రజాపథంలో ఆయన పాల్గొన్నారు. ఈ సందర్భంగా ఆయన ప్రజలను ఆకర్షించేందుకు రిక్షా ఎక్కి తొక్కి హడావుడి చేశారు. ప్రభుత్వ కార్యక్రమం ప్రజాపథంలో ఆనం రిక్షాతో విన్యాసాలు చేయడంతో కార్యకర్తలు ఒకింత ఆశ్చర్యపోయారు.

ఆనం వివేకానంద రెడ్డికి మరో శాసనసభ్యుడు శ్రీధర కృష్ణా రెడ్డి కూడా తోడయ్యారు. ఆనం రిక్షా ఎక్కి ఎంజాయ్ చేస్తుండగా శ్రీధర కూడా మరో రిక్షా తీసుకొని ఎక్కి తొక్కాడు. అయితే ప్రజాపథం కార్యక్రమానికి తమ సమస్యలు చెప్పుకోవడానికి వచ్చిన ప్రజలు ఇద్దరు ఎమ్మెల్యేలు రిక్షాతో స్టంట్స్ చేయడం గమనించి చెవులు కొరుక్కున్నారు.

English summary

Anchor danced in Chiranjeevi youth office year function in Nellore district. MLA Anam Vivekananda Reddy participatied in this programme. MLA Anam Vivekananda Reddy driven Riskha before. Singavaram village of Kurnool district people obstructed minister Pratap Reddy for late YS Rajasekhar Reddy photo.