భర్త మిస్: పార్లమెంట్ వద్ద యువతి అత్మహత్యాయత్నం

న్యూఢిల్లీ: పార్లమెంటు భవనం ఎదుట సోమవారం ఓ యువతి ఆత్మహత్యాయత్నానికి ప్రయత్నించడంతో కాసేపు హైడ్రామా నడిచింది. సదరు యువతి ఆత్మహత్యాయత్నానికి ప్రయత్నించడం టివి కెమెరాలలో స్పష్టంగా కనిపించింది. విషయానికి వస్తే... శంకరపురం నుండి వచ్చిన ఓ యువతి సోమవారం ఉదయం పార్లమెంటు భవనం ఎదుట యాసిడ్ తాగే ప్రయత్నం చేసింది.

పార్లమెంటు ఉన్న విజయ చౌక్ ఏరియా నిత్యం రద్దీగా ఉంటుంది. అందులోనూ ప్రజాప్రతినిధులు సమావేశమయ్యే సభ ఉండటంతో ఇక్కడ నిత్యం హైసెక్యూరిటీ ఉంటుంది. ఇంత హై సెక్యూరిటీ జోన్‌లోనూ సదరు యువతి భవనం దరిదాపుల్లోకి యాసిడ్ బాటిల్‌తో వెళ్లడం గమనార్హం. ఇక్కడ ఇలాంటి సంఘటన జరగటం ఇదే ప్రథమం.

కాగా ఆ యువతి బాటిల్‌లో ఉన్న యాసిడ్‌ను తాగేందుకు ప్రయత్నిస్తున్న సమయంలో అక్కడున్న పోలీసులు వెంటనే స్పందించారు. వారు వేగంగా ఆమె వద్దకు వెళ్లి అడ్డుకున్నారు. ఆత్మహత్యకు యత్నించిన యువతి భర్త గత కొంతకాలంగా కనిపించడం లేదు. దీనిపై ఆమె పోలీసులకు ఫిర్యాదు చేసింది.

అయితే పోలీసులు ఆమె ఫిర్యాదును పట్టించుకోలేదు. పోలీసుల తీరుతో తిరిగి విసిగిపోయిన ఆమె పూర్తిగా డిప్రెషన్‌లోకి వెళ్లి పోయి, మీడియా, పోలీసుల ఎదుట పార్లమెంటు భవనం ముందు యాసిడ్ తాగి ఆత్మహత్యకు ప్రయత్నించింది.

English summary

A woman attempted suicide by consuming acid in outside the Parliament at Vijay Chowk in Delhi. Meanwhile, the woman has been immediately rushed to Ram Manohar Lohia hospital where her condition was stated to be critical. According to the initial report, the woman was under depression following continuous family feud.