క్రికెటర్ అజయ్ త్యాగిపై కాల్పులు, దారుణ హత్య

ఘజియాబాద్: ప్రముఖ క్రికెటర్ అజయ్ త్యాగి దారుణ హత్యకు గురయ్యాడు. అతనిపై గుర్తు తెలియని వ్యక్తులు కాల్పులు జరిపారు. గురువారం రాత్రి అతను క్రికెట్ మైదానం నుంచి తిరిగి వస్తుండగా ఈ సంఘటన జరిగింది.

47 ఏళ్ల త్యాగి భారత క్రికెట్ జట్టు సభ్యుడు సురేష్ రైనాకు అత్యంత సన్నిహితుడు. కాల్పుల్లో తీవ్రంగా గాయపడిన అజయ్ అక్కడికక్కడే మరణించారు.

ఘజియాబాద్‌లోని ఆర్డినెన్స్ ఫ్యాక్టరీలో పనిచేస్తున్న త్యాగి ఇంటికి తిరిగి వస్తుండగా మోటార్ సైకిల్‌పై వచ్చిన దుండగులు కాల్పులు జరిపి పారిపోయారు.

కాల్పుల్లో గాయపడిన త్యాగి సంఘటనా స్థలంలోనే మరణించాడని, నిందితులను పట్టుకోవడానికి గాలింపు చర్యలు చేపట్టామని ఎస్పీ ప్రశాంత్ కుమార్ తెలిపారు. ఘజియాబాద్ దేశ రాజధాని ఢిల్లీకి సమీపంలో ఉంటుంది.

English summary

Veteran cricketer Ajay Tyagi was shot dead late Thursday in Ghaziabad, adjoining national capital New Delhi, police said. The 47-year-old cricketer, known to be very close to Indian cricketer Suresh Raina, was returning from the playing ground late evening when unidentified persons opened fire at him, killing him on the spot.