లైలా ఖాన్, కుటుంబ సభ్యులు బతికే ఉన్నారు: తక్

ముంబై: బాలీవుడ్ నటి లైలా ఖాన్, ఆమె కుటుంబ సభ్యులు బతికే ఉన్నారని పర్వేజ్ తక్ చెప్పాడు. వారిని కాల్చి చంపి ఉంటారనే ఇంతకు ముందు చెప్పిన తక్ మాట మార్చి వారు బతికే ఉంటారని తాజాగా చెప్పాడు. ఏడాది క్రితం వారంతా కనిపించకుండా పోయారు. తక్ తన మాటలను ఎప్పటికప్పుడు మారుస్తూ ఉన్నాడని, అతన్ని నమ్మలేమని అతన్ని విచారిస్తున్న జమ్మూ పోలీసులు అంటున్నారు. లైలా ఖాన్, ఆమె కుటుంబ సభ్యులు మరణించి ఉంటారని అనుకోవడానికి కూడా ఏమీ లేదని ముంబై జెసిపి (క్రైమ్) హిమాంశు రాయ్ అన్నారు.

జమ్మూ పోలీసులు తమకు సహకరిస్తున్నారని, తక్ కస్టడీ కోసం తాము స్థానిక కోర్టును ఆశ్రయిస్తామని అదనపు పోలీసు కమిషనర్ నికేత్ కౌశిక్ అన్నారు. ఉగ్రవాదులతో సంబంధాలున్నాయని అనుమానిస్తున్న బాలీవుడ్ నటి లైలా ఖాన్ కేసులో పోలీసులు ఆమె సవతి తండ్రిని బెంగళూర్‌లో అరెస్టు చేశారు. లైలా ఖాన్ తల్లి మొదటి భర్తకు విడాకులు ఇచ్చిన తర్వాత ఆసిఫ్ షేక్‌ను పెళ్లి చేసుకుంది.

కుటుంబ సభ్యుల అదృశ్యం వెనక ఆసిఫ్ షేక్ పాత్ర ఉందని పోలీసులు అనుమానిస్తున్నారు. లైలా ఖాన్, ఆమె కుటుంబ సభ్యులు చివరి సారి కిష్త్వర్‌లోని ఓ దుకాణంలో కనిపించారు. లైలా ఖాన్ కుటుంబ సభ్యులు ప్రయాణం చేసిన కారును శ్రీనగర్‌లోని సరస్సు వద్ద జమ్మూ కాశ్మీర్ పోలీసులు కనిపెట్టారు. ఆ కారు లైలా ఖాన్ తల్లి సలీనా పటేల్ పేరు మీద రిజిష్టర్ అయి ఉంది.

తక్ వెల్లడించిన సమాచారం ప్రకారం - లైలా ఖాన్ అండర్ వరల్డ్ డాన్ దావూద్ ఇబ్రహీం ముఖ్య అనుచరుడిని పెళ్లి చేసుకుంది. అండర్ వరల్డ్‌తో సంబంధాలు బయటకు రావడంతో మహారాష్ట్ర ఉగ్రవాద నిరోధక బలగాలు ఆమె కోసం, ఆమె కుటుంబ సభ్యుల కోసం వేట ప్రారంభించారు. ఓ పెళ్లి కోసమంటూ కాశ్మీర్ వెళ్లిన తన కూతురితో పాటు ఆమె తల్లి సలీనా పటేల్, ఆణె సోదరి అజ్మీనా పటేల్, ఆమె సవతి తండ్రి ఆసిఫ్ షేక్, వారి కుటుంబ మిత్రుడు పర్వేజ్ ఇక్బాల్ తక్ కనిపించకుండా పోయారని లైలా ఖాన్ తండ్రి నదీర్ షా పటేల్ ముంబై పోలీసులకు ఫిర్యాదు చేశాడు.

English summary

Pakistani starlet Laila Khan and her family, who went missing since a year ago, are alive, claimed Pervez Tak, who had earlier alleged that the actress and her family were shot dead.