ఆసుపత్రిలో చేరిన బాల్ థాకరే: అల్లుడు రాజ్ పరామర్శ

ముంబయి: శివసేన అధినేత బాల్ థాకరే అనారోగ్యంతో బాంద్రాలోని లీలావతి ఆసుపత్రిలో చేరారు. ఆయన మంగళవారం మధ్యాహ్నం శ్వాస సంబంధ సమస్యతో ఆసుపత్రిలో చేరారు. ఐసియు(ఇంటెన్సివ్ కేర్ యూనిట్)లో ఆయనకు డాక్టర్లు చికిత్స అందించారు. థాకరే ఆరోగ్యానికి ఎలాంటి ప్రమాదం లేదని చెప్పారు. ఇతను ప్రస్తుతం ఐసియులో ఉన్నారని, త్వరలో సాధారణ గదికి తరలిస్తామని చెప్పారు.

థాకరేకు సిటి స్కాన్ తదితరాలు చేసే అవకాశముంది. ఇదే సమస్యతో థాకరే గత మేలో ఆసుపత్రిలో చేరారు. మళ్లీ ఇప్పుడు అదే సమస్యతో లీలావతి ఆసుపత్రిలో చేరారు. తమ పార్టీ అధినేత బాల్ థాకరే రొటీన్ చెకప్‌‌లో భాగంగానే ఆసుపత్రిలో చేరారని శివసేన నేత మనోహర్ జోషీ పార్టీ చీఫ్‌ను కలిసిన అనంతరం చెప్పారు. మరో రెండు మూడు రోజులలో హాస్పిటల్ నుండి డిశ్చార్జ్ అవుతారన్నారు. బాల్ థాకరే వయస్సు 86.

కాగా బాల్ థాకరే ఆసుపత్రిలో చేరిన విషయం తెలిసిన ఆయన అల్లుడు, మహారాష్ట్ర నవనిర్మాణ సేన్ అధ్యక్షుడు రాజ్ థాకరే పరామర్శించేందుకు బుధవారం ఆసుపత్రికి వచ్చారు. ఆరేళ్ల కిందటి వరకు శివసేనలో కీలకంగా ఉన్న రాజ్ థాకరే ఆ తర్వాత పార్టీలో బాల్ థాకరే తన తనయుడు ఉద్దవ్ థాకరేకు ప్రాధాన్యత ఇవ్వడం, తన వారసుడిగా తనయుడినే ప్రకటించడంతో శివసేనను వదిలి మహారాష్ట్ర నవనిర్మాణ సేనను స్థాపించారు.

English summary

A day after he was administered medicines for breathlessness, Shiv Sena chief Bal Thackeray, 85, was admitted to the intensive care unit (ICU) of Lilavati Hospital, Bandra, on Tuesday afternoon. Doctors attending to Thackeray said he complained of breathlessness and acute constipation, but he was doing fine. “He is in the ICU for observation and will be soon shifted to a room,” said a source from the hospital.