తెలంగాణకోసం పోరాడుతా: జెఏసి జెండాతో హీరో సునీల్
సీమాంధ్రులు తెలంగాణ ప్రాంతంలో సినిమాల చిత్రీకరణ జరపకూడదని తెలంగాణ ఐకాస విద్యార్థులు జోరుగా నినాదాలు చేశారు. పోలీసులు, చిత్ర యూనిట్ సర్ది చెప్పినా వారు వినిపించుకోలేదు. చివరకు హీరో సునీల్ విద్యార్థులతో మాట్లాడారు. ఈ సందర్భంగా సునీల్ మాట్లాడుతూ... ప్రత్యేక తెలంగాణ ఉద్యమానికి తాను మద్దతిస్తున్నట్లు ప్రకటించారు. ఆంధ్ర ప్రాంత ప్రజలు తెలంగాణకు ఎప్పుడూ వ్యతిరేకం కాదన్నారు.
తాను తెలంగాణలోనే ఉంటున్నానని, రాష్ట్రం విడిపోయినా, ఒక్కటికా ఉన్నా ఎలాంటి అభ్యంతరం లేదని స్పష్టం చేశారు. తాను కూడా తెలంగాణ కోసం పోరాడుతానంటూ ఐకాస జెండా పట్టుకొని తెలంగాణ నినాదాలు చేశారు. దీంతో విద్యార్థులు శాంతించి అక్కడ నుండి వెళ్లిపోయారు.
కాగా హాస్య నటుడిగా టాలీవుడ్కు పరిచయమైన సునీల్ హీరోగా ఎదిగాడు. హస్య నటుడిగా, హీరోగా మంచి పేరు తెచ్చుకున్నాడు. సునీల్ హీరోగా నటించిన మూడు చిత్రాలు ఇప్పటి వరకు వచ్చాయి.