హత్య కోణం వెనక్కి: టెక్కీ నీలిమది ఆత్మహత్యే, కానీ?
నీలిమది ఆత్మహత్యగా పోలీసులు ప్రాథమికంగా నిర్ధారణకు వచ్చారని తెలుస్తోంది. ఆమె కాల్ డేటాను, ఈమెయిల్స్ను పోలీసులు పరిశీలించారు. వీటి ఆధారంగా ఆమెది ఆత్మహత్యగా భావిస్తున్నారు. మృతికి ముందు ఆమె తన స్నేహితులకు మెసేజ్లు, మెయిల్స్ చేసింది. వీలైతే తాను మరో జన్మలో కలుస్తానని వారికి నీలిమ సమాచారం పంపించింది. దీంతో ఆమెది ముమ్మాటికి ఆత్మహత్యగా భావిస్తున్నారు.
మూడు రోజుల క్రితం నీలిమ ఇన్ఫోసిస్ భవనం పదో అంతస్తు నుండి దూకి ఆత్మహత్య చేసుకున్న విషయం తెలిసిందే. ఆత్మహత్య చేసుకుందని సంస్థ చెబుతుండగా, తల్లిదండ్రులు మాత్రం తన కూతురిది ఆత్మహత్య కాదని, అంత పిరికి వ్యక్తి కాదని చెబుతూ వస్తున్నారు.
ఈ నేపథ్యంలో గాంధీ వైద్యులు ఆమె మృతదేహానికి పోస్టుమార్టం చేసి నివేదికను ఫోరెన్సిక్ ల్యాబ్కు పంపించారు. ఆ నివేదికలో మాత్రం ఆత్మహత్య చేసుకున్న ఆధారాలు లేవని, అయితే వాటిని నిర్ధారించాల్సిందిగా ఫోరెన్సిక్ నిపుణులను వైద్యులు కోరారు. పోలీసుల విచారణలో మాత్రం బలవంతపు ఆత్మహత్యగా ప్రాథమిక విచారణలో తేలింది.
Click it and Unblock the Notifications
Sign in with Google