• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్ రిమాండ్ 14 రోజులు పొడిగింపు, 28 వరకు

By Srinivas
|

YS Jagan
హైదరాబాద్: అక్రమాస్తుల కేసులో అరెస్టై చంచల్‌గూడ జైలులో ఉన్న వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి రిమాండును సిబిఐ ప్రత్యేక న్యాయస్థానం మంగళవారం రెండు వారాలు పొడిగించింది. కోర్టు ఈ నెల 28వ తేది వరకు రిమాండ్ పొడిగించింది. రిమాండ్ గడువు ముగియడంతో చంచల్‌గూడ జైలులో ఉన్న జగన్, ఇతర నిందితులు నిమ్మగడ్డ ప్రసాద్, మాజీ మంత్రి మోపిదేవి వెంకటరమణ, బ్రహ్మానంద రెడ్డి, బిపి ఆచార్యను నాంపల్లి సిబిఐ కోర్టు జడ్జి వీడియో కాన్ఫరెన్స్ ద్వారా విచారించారు.

ఒఎంసి కేసులో బెంగళూరు జైలులో ఉన్న గాలి జనార్దన్‌ రెడ్డిని, చంచల్‌గూడ జైలులో ఉన్న బివి శ్రీనివాసరెడ్డి, రాజగోపాల్‌ను కూడా వీడియో కాన్ఫరెన్స్ ద్వారా విచారించారు. ఇదే కేసులో నిందితురాలు శ్రీలక్ష్మిని నేరుగా కోర్టులో హాజరుపరిచారు. ఎమ్మార్ కేసులో నిందితులు సునీల్‌రెడ్డి, విజయ రాఘవ, ఆచార్యను కూడా వీడియో కాన్ఫరెన్స్ ద్వారా కోర్టు విచారణ చేసింది. మూడు కేసుల్లో నిందితులందరికీ కోర్టు 28 వరకు రిమాండ్ పొడిగించింది.

కాగా బెయిల్ మంజూరు చేయాలంటూ సీనియర్ ఐఏఎస్, ఎమ్మార్ కేసు నిందితుడు బిపి ఆచార్య దాఖలు చేసుకున్న పిటిషన్‌పై విచారణ 24వ తేదీకి వాయిదా పడింది. జగతి కేసులో నిందితుడు బ్రహ్మానంద రెడ్డి బెయిల్ పిటిషన్‌పై విచారణనూ అదే రోజుకు వాయిదా వేశారు.

మరోవైపు ఒఎంసి, జగతి కేసుల్లో నిందితులపై నమోదు చేసిన అభియోగాల తాలూకా పత్రాలను, ఇతర డాక్యుమెంట్లను సిబిఐ తమకు నేటికీ ఇవ్వలేదని డిఫెన్స్ న్యాయవాది అశోక్‌ రెడ్డి సిబిఐ ప్రత్యేక కోర్టు జడ్జికి ఫిర్యాదు చేశారు. వాటి గురించి తాము ఇప్ప టికే రెండుసార్లు కోర్టు దృష్టికి కూడా తీసుకొచ్చామని తెలిపారు. శనివారం లోగా ఆ కాపీలను అందజేయాలంటూ జడ్జి ఆదేశించారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
YSR Congress party chief and Kadapa MP YS Jaganmohan 
 
 Reddy's custody extended till 28th of this month by CBI 
 
 special court on Tuesday.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more