ఉద్యోగం ఇప్పిస్తానని ఇంటికి పిలిచి పలుమార్లు రేప్

హైదరాబాద్: ఉద్యోగం ఇప్పిస్తానని చెప్పి ఓ యువతిని ఇంటికి పిలిచి పలుమార్లు రేప్ చేసిన సంఘటన హైదరాబాదులో వెలుగులోకి వచ్చింది. నగరంలోని వనస్థలిపురంలో ఉంటున్న ఓ యువకుడు బిటెక్ చదువుతున్న ఓ విద్యార్థినితో తనకు ఎయిర్ పోర్టులో మంచి పరిచయాలు ఉన్నాయని, అక్కడ ఉద్యోగం ఇప్పిస్తానని నమ్మ పలికాడు. ఆ మాటలు నమ్మిన ఆమె ఉద్యోగం కోసం ఆయనను కలిసింది.

ఉద్యోగం పేరుతో అతను ఆ అమ్మాయిని పలుమార్లు ఇంటికి పిలిపించుకున్నాడు. ఆమె ఇంటికి వచ్చినప్పుడు మాటల్లో దించి మత్తుమందు ఇచ్చి అత్యాచారం చేశాడు. ఇలా పలుమార్లు ఆమెపై అతను అత్యాచారానికి పాల్పడ్డాడు. దీంతో ఆమె పోలీసులకు ఫిర్యాదు చేసింది. వారు కేసు నమోదు చేసుకొని దర్యాఫ్తు చేస్తున్నారు.

మరోవైపు ఖమ్మం జిల్లాలో వృద్ధ దంపతులు ఆత్మహత్య చేసుకున్నారు. ఇటీవల కొడుకు మృతి చెందాడు. దీంతో మనస్తాపం చెందిన ఆ వృద్ద దంపతులు ఈ రోజు ఆత్మహత్య చేసుకున్నారు. ఈ ఘటన జిల్లాలోని కల్లాడ మండలం తర్నవల్లి గ్రామంలో చోటు చేసుకుంది.

ప్రకాశం జిల్లాలోని చీమకుర్తి శివారులోని పాడబడ్డ బావిలో మంగళవారం ఉదయం ఓ ఆర్టీసీ బస్సు అదుపుతప్పి బోల్తా పడింది. ఈ ఘటనలో ముగ్గురు ప్రయాణికులకు స్వల్పగాయాలయ్యాయి. ప్రమాద సమయంలో బస్సులో మొత్తం 34 మంది ప్రయాణికులు ఉన్నారు. గాయపడిన వారిని స్థానిక ఆస్పత్రికి తరలించారు.

English summary

A Btech girl student from Hyderabad, was cheated by young man with name of job in airport.