• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సిఎం నిస్సహాయత: ఏ క్షణమైనా వారికి ఉద్వాసన?

By Pratap
|

Kiran Kumar Reddy
హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి ఆస్తుల కేసులో సుప్రీంకోర్టు నోటీసులు అందుకున్న మంత్రుల భవిష్యత్తుపై ముఖ్యమంత్రి కిరణ్ కుమార్ రెడ్డి నిస్సహాయత వ్యక్తం చేస్తున్నారు. వారి విషయంలో ఆయన చేతులెత్తేస్తున్నారు. వారికి ఏ క్షణంలోనైనా ఉద్వాసన జరగవచ్చుననే ప్రచారం జరుగుతోంది. కళంకిత మంత్రులు విడివిడిగా ముఖ్యమంత్రిని కలిసి అసలు విషయం తెలుసుకోవడానికి ప్రయత్నిస్తున్నారు.

వారికి ముఖ్యమంత్రి ఏ విధమైన హామీ ఇవ్వడం లేదు. కాంగ్రెసు అధిష్టానం చెప్పినట్లు నడుచుకోవాల్సిందేనని ఆయన వారికి చెబుతున్నారు. దీంతో మంత్రుల్లో గుబులు చోటు చేసుకుంది. తమకు ఉద్వాసన తప్పదనే అభిప్రాయానికి వారు వచ్చినట్లు తెలుస్తోంది. ధర్మాన ప్రసాద రావు రాజీనామా లేఖను ముఖ్యమంత్రి ఆమోదం కోసం గవర్నర్‌ నరసింహన్‌కు పంపితే గానీ మిగతా మంత్రుల విషయంలో ఓ స్పష్టత వచ్చే అవకాశం లేదు.

ఇదిలా వుంటే, ధర్మాన రాజీనామా వ్యవహారంపై మాట్లాడేందుకు ముఖ్యమంత్రి కిరణ్ కుమార్ రెడ్డి నిరాకరించారు. ఢిల్లీలో రెంజు రోజుల పాటు అధిష్ఠానం పెద్దలతో ఆయన జరిపిన చర్చలు రాజకీయ వాతావరణాన్ని వేడెక్కించాయి. కీలకమైన పర్యటనలు జరిపినప్పుడు ఢిల్లీలో మీడియా సమావేశం ఏర్పాటు చేసి విషయాలు చెప్పి హైదరాబాదుకు తిరిగి రావడం ముఖ్యమంత్రికి పరిపాటి. కానీ ఈసారి అలా చేయలేదు.

ఎస్సీ, ఎస్టీ సబ్ ప్లాన్‌పై ఆయన శనివారం మీడియా సమావేశంలో మాట్లాడారు. అది పూర్తయిన తర్వాత మీడియా ప్రతినిధులు ముఖ్యమంత్రి వద్ద ధర్మాన వ్యవహారాన్ని, ఢిల్లీ విశేశాలను ప్రస్తావించారు. అయితే, వాటికి ఆయన ప్రతిస్పందించకుండా లేచివెళ్లి పోయారు. మీడియాకు ఏ విధమైన సమాచారం అందించకుండా కార్యరంగంలోకి దిగే యోచనలో ముఖ్యమంత్రి ఉన్నట్లు తెలుస్తోంది.

మంత్రివర్గ ప్రక్షాళనపై ఆయన పూర్తి స్థాయిలో కసరత్తు చేస్తున్నట్లు చెబుతున్నారు. ఉద్వాసన పలికే మంత్రులకు పార్టీలో ఏ విధమైన స్థానం కల్పించాలనే విషయంపై కూడా యోచన సాగుతున్నట్లు తెలుస్తోంది. ఆయన మరోసారి అధిష్టానంతో చర్చలకు ఈ నెల 27వ తేదీన ఢిల్లీకి వెళ్లనున్నట్లు సమాచారం.

English summary
CM Kiran Kumar Reddy has not interested to speak about Delhi developments and resigned minister Dharmana Prasad Rao issue. Tainted ministers are meeting CM Kiran Kumar Reddy to verify about their future.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X