• search
  • Live TV
ఖమ్మం వార్తల కోసం
నోటిఫికేషన్స్ పై క్లిక్ చేయండి  

నాలుకలు తెగ్గోస్తేనే తెలంగాణ: కాంగ్రెస్‌పై నారాయణ

By Pratap
|

K Narayana
ఖమ్మం: కాంగ్రెసు నాయకుల నాలుకలు తెగ్గోస్తేనే తెలంగాణ రాష్ట్రం ఏర్పాటు సాధ్యమని సిపిఐ రాష్ట్ర కార్యదర్శి కె. నారాయణ అన్నారు. కాంగ్రెసు నాయకులపై ఆయన తీవ్రమైన వ్యాఖ్యలు చేశారు. కాంగ్రెసు పార్లమెంటు సభ్యులు లగడపాటి రాజగోపాల్, జి. వివేక్ ఇద్దరు కూడా పెట్టుబడీదారులేనని ఆయన అన్నారు. లగడపాటి, కె. కేశవరావుల వ్యవహారం బయట గుద్దులాట లోపల ముద్దులాట అని ఆయన వ్యాఖ్యానించారు.

సిపిఐ రాష్ట్ర కార్యదర్శి నారాయణ తెలంగాణా పోరు యాత్ర పేరుతో శనివారం ఖమ్మం జిల్లా పాల్వంచ నుంచి ఉద్యమానికి శ్రీకారం చుట్టారు. తెలంగాణ కోసమే సిపిఐ ప్రజా పోరు యాత్రను చేపట్టిందని నారాయణ అన్నారు. ఈ సందర్భంగా ఏర్పాటైన బహిరంగ సభలో నారాయణ కాంగ్రెసు నాయకులపై తీవ్రంగా విరుచుకుపడ్డారు.తెలంగాణ రాష్ట్రం వచ్చే వరకు ఉద్యమం ఆగదని అన్నారు. అవినీతి మంత్రులతో రాష్ట్రంలో పాలన పూర్తిగా స్తంభించిందని కిరణ్ ప్రభుత్వంపై ధ్వజమెత్తారు.

అవినీతి మంత్రులను కాపాడకునేందుకే 25మంది మంత్రులు లాబీయింగ్‌కు పాల్పడ్డారని నారాయణ ఆరోపించారు. తెలంగాణపై నాన్చుడి ధోరణికి స్వస్తి చెప్పి, వెంటనే రోడ్‌ మ్యాప్‌ ప్రకటించాలని ఆయన డిమాండ్‌ చేశారు. తెలంగాణ కోసం ఒక్క మంత్రి కూడా పని చేయకపోవడం సిగ్గుచేటన్నారు. అవినీతి మంత్రులను బర్తరఫ్‌ చేయాలని నారాయణ డిమాండ్‌ చేశారు. సెప్టెంబర్ 30న తెలంగాణ జెఎసి తలపెట్టిన ‘చలో హైదరాబాద్ మార్చ్'కు తాము సంపూర్ణ మద్దతునిస్తామని ఆయన ప్రకటించారు.

పాల్వంచ నుంచి ప్రారంభమయ్యే పోరు యాత్ర ఖమ్మం, నల్గొండ, మహబూబ్ నగర్, రంగారెడ్డి, హైదరాబాద్, మెదక్, కరీంనగర్ , నిజామాబాద్, ఆదిలాబాద్, వరంగల్ జిల్లాల మీదుగా వచ్చే నెల 3వ తేదీ వరకు జరుగుతుందని అన్నారు.

తెలంగాణ రాష్ట్ర సాధన ఎజెండాగా సీపీఐ చేపట్టిన ప్రజాపోరు యాత్ర 26, 27 తేదీల్లో నల్లగొండ జిల్లాలో కొనసాగనుంది. ఆ పార్టీ రాష్ట్ర కార్యదర్శి నారాయణ నాయకత్వంలో కొనసాగుతున్న ఈ యాత్ర ఖమ్మం జిల్లాలో ముగించుకుని నల్లగొండ జిల్లాలో ప్రారంభం కానుంది.

ప్రజాపోరు యాత్ర ఆదివారం కోదాడలో మొదలై సూర్యాపేట, నకిరేకల్‌ల మీదుగా నల్లగొండకు చేరుకున్న అనంతరం గడియారం సెంటర్‌లో ధూంధాం.. కార్యక్రమంతోపాటు బహిరంగ సభ నిర్వహిస్తారు. సోమవారం మునుగోడు, నాంపల్లి, చింతపల్లిల నుంచి దేవరకొండ వరకు ప్రజాపోరు యాత్ర నిర్వహించేందుకు ఆ పార్టీ శ్రేణులు సన్నాహాలు పూర్తి చేశాయి.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
CPI secretary K Narayana has made wild comments against Congress leaders on Telangana issue. He said that his party will continue Telangana movement till the state is achieved.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more