• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సిఎం అంటే జగన్‌లా!: రోజా, విజయమ్మ సవాల్‌పై ప్రశ్న

By Srinivas
|

Roja
హైదరాబాద్: అక్రమాస్తుల కేసులో ఇరుక్కొని అరెస్టై చంచల్‌గూడ జైలులో ఉన్న పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి త్వరలో బయటకు వస్తాడని... ముఖ్యమంత్రి కూడా అవుతాడని వైయస్సార్ కాంగ్రెసు పార్టీ అధికార ప్రతినిధి, ప్రముఖ సినీ నటి రోజా ఆదివారం అన్నారు. వైయస్సార్ కాంగ్రెసు పార్టీ అధికారంలోకి రాగానే ముఖ్యమంత్రి అంటే ఇలా ఉండాలన్న విధంగా పరిపాలన చేసి చరిత్రను తిరగరాస్తారని అన్నారు.

వైయస్ జగన్ సన్నని వైరులా ఉంటారని, అయినప్పటికీ ప్రభుత్వానికి, ఇతర పార్టీలకు షాక్ ఇస్తున్నట్లుగా ఉంటుందని అన్నారు. జగన్‌కు రాహు, కేతువుల్లా కాంగ్రెసు, తెలుగుదేశం పార్టీలు అడ్డు పడుతున్నాయన్నారు. బిసిలకు వంద స్థానాలు ఇద్దామని పార్టీ గౌరవ అధ్యక్షురాలు వైయస్ విజయమ్మ విసిరిన సవాలును టిడిపి, కాంగ్రెసులు దమ్ముంటే స్వీకరించాలని ఛాలెంజ్ చేశారు. విజయమ్మ చిత్తశుద్ధితో చేసిన ప్రతిపాదనపై ఈ రెండు పార్టీలు గుడ్డు మీద ఈకలు పీకుతున్నట్లుగా వ్యవహరిస్తున్నారే తప్ప ముందుకు రావడం లేదని విమర్శించారు.

ప్రజాధరణ పొందుతున్న జగన్‌ను అన్యాయంగా అరెస్టు చేశారని, అయితే అదెంతో కాలం సాగదన్నారు. దివంగత ముఖ్యమంత్రి వైయస్ రాజశేఖర రెడ్డి పాలనలో ప్రతి గడపకూ ఏదో లబ్ధి చేకూరుందని.. అందుకే ప్రజల హృదయాలలో ఆయన నిలిచిపోయారన్నారు. కుట్ర వల్ల భర్త మరణిస్తేకుమారుడు జైలు పాలయితే గుండె దిటువు చేసుకొని విజయమ్మ మన మధ్యకు రావడం హర్షణీయమన్నారు.

కాగా ఈ కార్యక్రమంలో వేదికపై మేడ్చల్ నియోజకవర్గం నాయకుడు సింగిరెడ్డి హరివర్ధన్‌రెడ్డిని విజయమ్మ సాదరంగా ఆహ్వానిస్తూ పార్టీ కండువ కప్పి వైయస్సార్ కాంగ్రెసు పార్టీలో చేర్చుకున్నారు. ఈ కార్యక్రమంలో వైయస్సార్ కాంగ్రెసు రాష్ట్ర నాయకులు వైవి సుబ్బారెడ్డి, బాజిరెడ్డి గోవర్దన్ రెడ్డి, గట్టు రామచంద్రా రెడ్డి, మాజీ మంత్రి మారెప్పా తదితరులు హాజరయ్యారు. ఈ సందర్భంగా సింగిరెడ్డి మాట్లాడుతూ జగన్‌ను సిఎం చేయడమే లక్ష్యమన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
YSR Congress party spokes person and cine actor Roja said that party chief YS Jaganmohan Reddy will become chief minister of Andhra Pradesh soon.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more