పెళ్లి పేరుతో గర్భవతిని చేశాడు: యువతి ఆత్మహత్య
అతడు ట్రాక్టర్ డ్రైవర్గా పనిచేస్తున్నాడు. యువతి అదే ట్రాక్టర్పై కూలికి వెళ్లేది. ఈ క్రమంలో అతనితో పరిచయం ఏర్పడింది. అది కాస్తా ప్రేమకు దారి తీసింది. పెళ్లి చేసుకుంటానని నమ్మించి ఆమెను గర్భవతిని చేశాడు. పెళ్లి చేసుకోవాలని అడిగితే నిరాకరించాడు. న్యాయం చేయాలని బుల్లి తల్లిదండ్రులు గ్రామపెద్దలను ఆశ్రయించారు. అయినా అతడు పెళ్లికి అంగీకరించలేదు. అక్కడి నుంచి హైదరాబాద్కు పారిపోయాడు. దీంతో యువతి తల్లిదండ్రులు గత శుక్రవారం వాడపల్లి పోలీస్ స్టేషన్లో ఫిర్యాదు చేశారు.
యువకుడిని పిలిపించి మాట్లాడాలని పోలీసులు గ్రామ పెద్దలకు సూచించారు. వారు నాగార్జునను హైదరాబాద్ నుంచి పిలిపించి ఆదివారం పోలీస్ స్టేషన్కు పంపించారు. విషయం తెలుసుకున్న బుల్లి పోలీస్ స్టేషన్కు వెళ్లింది. బుల్లిని పెళ్లి చేసుకోవాలని లేని పక్షంలో కేసు నమోదు చేస్తామని పోలీసులు నాగార్జునతో చెప్పారు. పెళ్లి చేసుకోవడానికి అతడు అంగీకరించలేదు.
దీంతో తీవ్ర మనస్తాపానికి గురైన బుల్లి తన వెంట తెచ్చుకున్న క్రిమి సంహారక మందును పోలీస్ స్టేషన్ ఆవరణలోనే తాగింది. అనుకోని పరిణామానికి పోలీసులు హతాశులయ్యారు. వెంటనే ఆమెను 108 వాహనంలో చికిత్సనిమిత్తం మిర్యాలగూడ ఏరియా ఆస్పత్రికి తరలించారు. పరిస్థితి విషమంగా ఉండడంతో వైద్యుల సలహా మేరకు హైదరాబాద్కు తరలిస్తుండగా మార్గమధ్యలో మృతి చెందింది. కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు. బుల్లి మృతికి కారణమైన నాగార్జునపై కేసు నమోదు చేసినట్లు పోలీసులు తెలిపారు.
Click it and Unblock the Notifications
Sign in with Google