హెల్త్పై కన్నా అందం మీదే ఆసక్తి: అమ్మాయిలపై మోడీ
మధ్యతరగతికి ఆరోగ్యంపై కన్నా అందంపై ఎక్కువ శ్రద్ధ ఉంటుందని ఆయన అభిప్రాయపడ్డారు. ఇది సవాల్ అని ఆయన అన్నారు. పాలు తాగాలని తల్లి చెప్తే కూతురు గొడవకు దిగుతుందని అన్నారు. తాను పాలు తాగనని, పాలు తాగితే లావు అవుతానని కూతురు తల్లితో అంటుందని మోడీ చెప్పారు. పోషకాహార లోపాన్ని అధిగమించడానికి తీవ్రమైన చర్యలు అవసరమని ఆయన అన్నారు. ఈ విషయంలో గుజరాత్ ఆదర్శంగా నిలుస్తుందని ఆయన చెప్పారు.
గుజరాత్లోని గిరిజనుల్లో, గ్రామీణ ప్రజల్లో, మహిళల్లో పోషకాహార విలువలు తక్కువని ఆయన అన్నారు ఆర్థిక ప్రగతిలో, తగినంత విద్యుచ్ఛక్తి సరఫరాలో రాష్ట్రం సాధించిన ఫలితాలను వివరించడానికి ఆయన అవకాశాన్ని వినియోగించుకున్నారు. గత నెలలో దేశంలో విద్యుచ్ఛక్తి స్తంభన ఏర్పడడంపై ఆయన కేంద్రాన్ని తప్పు పట్టారు. కేంద్ర ప్రభుత్వం విద్యుచ్ఛక్తి విషయంలో గుజరాత్ నుంచి పాఠాలు తీసుకుని తగిన మార్పులు చేయాలని ఆయన అన్నారు.
సరళీకరణపై ఆయన తీవ్రంగా మండిపడ్డారు. సరళీకరణ విధానాలు అమలు కాకపోవడం అసలైన విషాదమని ఆయన అన్నారు. గుజరాత్ ముఖ్యమంత్రిగా నరేంద్ర మోడీ ప్రజల ఆదరణ చూరగొంటున్నట్లు ఇటీవలి ఎన్డీటీవి సర్వేలో కూడా తేలింది.
Click it and Unblock the Notifications
Sign in with Google