ఈ రాత్రికే బ్లూ మూన్: డోంట్ మిస్, తప్పక చూడండి

న్యూఢిల్లీ: ఆకాశంలో శుక్రవారం వికసించే చందమామకు విశిష్టత ఉంది. దాన్ని బ్లూ మూన్ (నీలి చంద్రుడు) అంటారు. ఇది చాలా అరుదుగా వస్తుంది. ఈ నెలలో శుక్రవారం రెండో పౌర్ణమి. ఆకాశంలో బ్లూ మూన్ 2.5 ఏళ్లకో సారి ఆకాశంలో అందాలను విరబూస్తోంది. అది ఈ రాత్రి కనువిందు చేయనుంది.

ఏడాదిలో 12 పూర్ణిమలకు బదులు 13 పూర్ణిమలు వచ్చినప్పుడు బ్లూ మూన్ ఆకాశం మీద పొడుస్తుంది. అయితే, బ్లూ మూన్ మిగతా రోజుల్లోని చంద్రుడి కన్నా ఎక్కువ నీలంగా ఉంటుందా అని ప్రశ్నిస్తే కాదని చెబుతున్నారు. అది స్వచ్ఛతకు సంబంధించింది మాత్రమే.

మిగతా రోజుల్లో కన్నా కాస్తా స్వచ్ఛంగా కనిపిస్తుందని అంటున్నారు. ఈ పేరు తొలిసారి రైతు పంచాంగంలోని కనిపిస్తుంది. రైతు పంచాంగం ఏడాదికి 12 పూర్ణచంద్రులను లెక్కిస్తుంది. ఓ ఏడాదిలో 12కు బదులు ఒకటి ఎక్కువగా పూర్ణ చంద్రుడు రావడాన్ని రైతు గమనించాడు.

ఏడాదిలో అదనంగా వచ్చిన పూర్ణ చంద్రుడిని పంచాంగకర్త బ్లూ మూన్ అని పిలిచాడు. తర్వాతి బ్లూ మూన్ 2015లో వస్తుంది. అప్పటి దాకా వేచి చూడకుండా ఈ రోజే చందమామ రావె, జాబిలి రావె అని పాడుకోవడానికి అవసరమైన అందాన్ని సంతరించుకునే చంద్రుడిని చూసి మురిసిపోండి.

English summary

The full moon on Friday is going to be special. It will be what is called a 'blue moon', that is, the second full moon in a month. A blue moon is relatively rare, occurring once in about 2.5 years. It happens when a year has 13 full moons instead of 12.