ఆ లేడీ కిలాడీ గర్భవతి, తండ్రెవరు?: బెయిల్ పిటిషన్
కాగా, తాను 50 మందిని పెళ్లాడినట్లు మీడియాలో వచ్చిన వార్తలను షెహనాజ్ ఖండించింది. తాను మొత్తం ఎనిమిది మందితో కలిసి మెలసి తిరిగానని, వారిలో నలుగురిని మాత్రమే పెళ్లి చేసుకున్నానని చెప్పింది. కేరళకు చెందిన సిద్ధిక్ తన మొదటి భర్త అని ఆమె తేల్చింది. తన కడుపులో పెరుగుతున్న శిశువుకు ఫుట్బాల్ క్రీడాకారుడు ప్రసన్ననే తండ్రి అని ఆమె పోలీసులకు చెప్పినట్లు సమాచారం.
ఈ విషయంపై పోలీసులు ప్రసన్నను సంప్రదించినట్లు తెలుస్తోంది. అయితే తాను ఆ బిడ్డకు తండ్రిని కాదని ఆయన చెప్పినట్లు వార్తలు వచ్చాయి. దీంతో షెహనాజ్ భర్తకు, సహచరులకు డిఎన్ఎ పరీక్ష నిర్వహించాలని పోలీసులు నిర్ణయించుకున్నారు.
ఇదిలా వుంటే, షెహనాజ్ బెయిల్ కోరుతూ చెన్నై సెషన్స్ కోర్టులో పిటిషన్ దాఖలు చేసుకుంది. గర్భవతిని అయిన తనకు మానవతా దృక్పథంతో బెయిల్ ఇవ్వాలని ఆమె కోర్టును కోరింది. ఈ పిటిషన్పై మంగళవారం విచారణ జరగనుంది. ముప్పై ఏళ్ల ఆ మహిళను చెన్నై పోలీసులు సెప్టెంబర్ 1వ రాత్రి బెంగళూర్లోని మెజిస్టిక్ ప్రాంతంలో గల ఓ ప్రైవేట్ అతిథి గృహంలో ఊన్నట్లు సమాచారం అందుకుని అరెస్టు చేశారు.
Click it and Unblock the Notifications
Sign in with Google