పార్టీకి అన్నా హజారే దూరం: కేజ్రీవాల్ షాక్

న్యూఢిల్లీ: ఇండియా అగైనెస్ట్ కరప్షన్ (ఐఎసి) కార్యకర్త అరవింద్ కేజ్రీవాల్‌కు దూరంగా ఉండాలని సామాజిక కార్యకర్త అన్నా హజారే నిర్ణయించుకున్నారు. కేజ్రీవాల్ పెట్టే పార్టీతో తనకు ఏ విధమైన సంబంధం లేదని ఆయన చెప్పారు. దీంతో కేజ్రీవాల్ తీవ్ర దిగ్భ్రాంతికి గురయ్యారు. ఐఎసి కార్యకర్తలతో అన్నా హజారే సంబంధాలను తెంచుకోవడం తమకు ఆశ్చర్యం కలిగిస్తోందని కేజ్రీవాల్ అన్నారు.

అన్నా తమకు తండ్రిలాంటివారని, తమకు అన్నా ఆలోచనలే ప్రాణాధారమని, తమతో అన్నా సంబంధాలు తెంచుకోవాలని అనుకోవడం ఆశ్చర్యకరమని ఆయన అన్నారు. అది దిగ్భ్రాంతికరమైన పరిణామమే కాకుండా బాధాకరమైంది, విషాదకరమైంది, అనూహ్యమైందని ఆయన అన్నారు.

రాజకీయ పార్టీ పెట్టాలనే ఆలోచనపై అన్నా హజారే కేజ్రీవాల్ గ్రూప్‌తో, తమ మద్దతుదారులతో, ప్రశాంత్ భూషణ్, శాంతి భూషణ్‌లతో చర్చలు జరిపారు. తొమ్మిది గంటల చర్చల తర్వాత కిరణ్ బేడీ, సంతోష్ హెగ్డే వంటివాళ్లు కూడా పచ్చజెండా ఊపడంతో రాజకీయ పార్టీ పెట్టడానికి అన్నా హజారే అంగీకరించారు.

సోషల్ నెట్‌వర్కింగ్ సైట్స్‌ను ఉపయోగించి ఐఎసి నిర్వహించిన సర్వేను తాను అంగీకరించలేకపోతున్నానని అన్నా హజారే అన్నారు. రాజకీయ పార్టీ పెట్టాలనే అభిప్రాయాన్ని ఎక్కువ మంది సోషల్ నెట్ వర్కింగ్ సైట్స్‌లో నిర్వహించిన సర్వేను ప్రాతిపదికగా తీసుకుని కేజ్రీవాల్ ఇతర అన్నా టీమ్ సభ్యులు రాజకీయ పార్టీని పెట్టేందుకు ముందుకు వచ్చారు.

రాజకీయ పంథాను చేపడుతున్నవారికి తన శుభాకాంక్షలు ఉంటాయని, దాంతో ప్రమాదం ఉందని, పార్లమెంటులో మెజారిటీ పొందితే మంచిదేనని, తమ మార్గాలు వేరయ్యాయని, ఇరు వర్గాలం వేర్వేరు మార్గాలు ఎంచుకున్నామని అన్నా హజారే అన్నారు.

English summary

Key India Against Corruption (IAC) activist Arvind Kejriwal on Thursday said that social activist Anna Hazare's decision to part ways with his erstwhile close aides is shocking, unexpected and regretful. “Anna ji is like a father figure and a mentor to all of us. His decision to part ways has come as a big surprise. It was shocking, painful, unexpected and regretful,” he said.