• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సమైక్యవాదులు తెలంగాణ గడ్డ మీద ఉండొద్దు: యాష్కీ

By Pratap
|

Madhu Yashki
హైదరాబాద్: సమైక్యవాదులు తెలంగాణ గడ్డ మీద ఉండకూడదని కాంగ్రెసు తెలంగాణ ప్రాంత పార్లమెంటు సభ్యుడు మధు యాష్కీ అన్నారు. ఆయన సోమవారం మీడియా ప్రతినిధులతో మాట్లాడారు. పాదయాత్రకు లైసెన్సు పొందడానికి మాత్రమే తెలంగాణపై లేఖ ఇస్తామని తెలుగుదేశం పార్టీ అధ్యక్షుడు నారా చంద్రబాబు నాయుడు అంటున్నారని ఆయన అన్నారు. తెలంగాణ మార్చ్ జరగకూడదని భావిస్తే ముఖ్యమంత్రి, హోం మంత్రి జోక్యం చేసుకోవాలని ఆయన అన్నారు.

తెలంగాణ మార్చ్‌కు కాంగ్రెస్ సీనియర్ నేత కే.కేశవరావు మద్దతు ప్రకటించారు. సోమవారం ఉదయం మీడియాతో మాట్లాడుతూ తెలంగాణ మార్చ్ ఆపే ప్రసక్తే లేదని స్పష్టం చేశారు. విమలక్కను వెంటనే విడుదల చేయాలని కేకే డిమాండ్ చేశారు. మంత్రులు, ఎమ్మెల్యేలు లేఖలు తెలంగాణకు సరిపోదని, మంత్రులు ఉద్యమంలో ముందు ఉండాలని అన్నారు. తెలంగాణపై త్వరగా నిర్ణయం తీసుకోవాలని ఆయన పార్టీ అధిష్టానాన్ని కోరారు. జాప్యం చేస్తే పార్టీకి, ప్రజలకు నష్టమని ఆయన అన్నారు.

ఢిల్లీకి బయలుదేరే ముందు తెలంగాణ కాంగ్రెసు పార్టమెంటు సభ్యులు కేశవరావు నివాసంలో సమావేశమయ్యారు. సమైక్యాంధ్ర స్పాన్సర్డ్ ఉద్యమమని వారు విమర్శించారు. ఆ ఉద్యమాన్ని కొందరు పెట్టుబడిదారులు పెంచి పోషిస్తున్నారని వారన్నారు. సమైక్యాంధ్ర అనేవారికి తెలంగాణలో స్థానం లేదని వారన్నారు. తెలంగాణ మార్చ్‌ను అడ్డుకునేందుకు పోలీసులు చేస్తున్న అరెస్టులను వారు ఖండించారు. ఉద్యమాన్ని అడ్డుకునేందుకు సీమాంధ్ర ప్రభుత్వం తప్పుడు పనులు చేస్తోందని వారు విమర్శించారు. ఢిల్లీ వెళ్లి కాంగ్రెసు తెలంగాణ ప్రాంత కాంగ్రెసు పార్లమెంటు సభ్యులు పార్టీ కోర్ కమిటీ సభ్యులను కలుస్తారు.

తెలంగాణ మార్చ్‌ను విజయవంతం చేయాలని తెలంగాణ జెఎసి చైర్మన్ కోదండరామ్ పిలుపునిచ్చారు. మార్చ్‌ను శాంతియుతంగా నిర్వహిస్తామని ఆయన చెప్పారు. కాసు బ్రహ్మానంద రెడ్డి విగ్రహం ధ్వంసం కేసులో అరెస్టయిన విమలక్కను వెంటనే విడుదల చేయాలని ఆయన డిమాండ్ చేశారు.

English summary
Congress Telangana region MP Madhu Yashki saif that there is no place in Telangana for those who are advocating Unified Telangana. Congress Telangana MPs met at Keshav Rao's residence before leaving for Delhi.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X