• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఫోన్లో కిరణ్‌కు జానా క్లాస్, వాగ్వాదం: ఎంపీల హల్‌చల్

By Srinivas
|

Jana Reddy - Kiran Kumar Reddy
హైదరాబాద్/మహబూబ్ నగర్: తెలంగాణ కవాతుకు తరలి వస్తున్న తెలంగాణవాదులను అరెస్టు చేయడంపై పంచాయతీరాజ్ శాఖ కుందూరు జానా రెడ్డి ముఖ్యమంత్రి కిరణ్ కుమార్ రెడ్డికి ఫోన్ చేసి తీవ్ర ఆగ్రహం వ్యక్తం చేశారు. అరెస్టులు ఆయన దృష్టికి రావడంతో.. జానా రెడ్డి వెంటనే కిరణ్‌కు ఫోన్ చేశారు. అరెస్టులపై తీవ్రస్థాయిలో ఆగ్రహం వ్యక్తం చేశారు. ఆయనతో వాగ్వాదానికి దిగారు. కవాతుకు అనుమతిచ్చి అరెస్టులు చేయడమేమిటని సిఎంను నిలదీశారు. ఇదే పద్ధతి అని ప్రశ్నించారు.

అనుమతిచ్చి అరెస్టులు చేస్తే తాము ఉద్యమకారులకు ఏం సమాధానం చెప్పాలని ప్రశ్నించారు. ఇది మంచి పద్దతి కాదని హితబోధ చేశారు. వెంటనే అరెస్టు చేసిన తెలంగాణవాదులను విడుదల చేయాలని కిరణ్ పైన నిప్పులు చెరిగారు. మరోవైపు అరెస్టులను నిరసిస్తూ.. తెలంగాణ ప్రాంత కాంగ్రెస్ పార్లమెంటు సభ్యులు ముఖ్యమంత్రి కిరణ్ కుమార్ రెడ్డి క్యాంప్ కార్యాలయంలోకి చొచ్చుకు వెళ్లే ప్రయత్నాలు చేశారు.

ఇది గమనించిన పోలీసులు ఎంపీల వాహనాలను కార్యాలయ సమీపంలో అడ్డుకున్నారు. వారిని లోనికి వెళ్లనివ్వలేదు. దీంతో ఎంపీలు లోనికి చొచ్చుకు వెళ్లే ప్రయత్నాలు చేశారు. పోలీసులు వారిని అడ్డుకున్నారు. అనంతరం ఎంపీలు కార్యాలయం ముందు రోడ్డు పైన బైఠాయించారు. కవాతుపై ముఖ్యమంత్రి కిరణ్ కుమార్ రెడ్డి మాట ఇచ్చి తప్పారని ఎంపి మందా జగన్నాథం అన్నారు.

మరోవైపు మహబూబ్ నగర్ జిల్లాలో పాలమూరు భారతీయ జనతా పార్టీ శాసనసభ్యుడు యెన్నం శ్రీనివాస్ రెడ్డిని పోలీసులు అదుపులోకి తీసుకున్నారు. దీంతో బిజెపి కార్యకర్తలు, తెలంగాణవాదులు పోలీసుల వైఖరిని నిరసిస్తూ రోడ్డు పైన బైఠాయించారు.

English summary
Telangana JAC chairman Kodandaram alleged that police are stopping and arresting telanganites in Telangana districts.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X