• search
  • Live TV
చెన్నై వార్తల కోసం
నోటిఫికేషన్స్ పై క్లిక్ చేయండి  

కలర్ చేంజ్: నల్లటి చొక్కాతో డిఎంకె నేత కరుణానిధి

By Pratap
|

Karunanidhi
చెన్నై: ద్రావిడ పార్టీలకు చెందిన నాయకులు తెల్లటి చొక్కా, తెల్లటి ధరించడం ఆనవాయితీగా వస్తోంది. తాము ఏ పార్టీలో ఉన్నా ట్రేడ్ మార్క్ మాత్రం అదే ఉంటూ వస్తోంది. ఆ ట్రేడ్ మార్కును దెబ్బ కొట్టేసి డిఎంకె అధినేత, తమిళనాడు మాజీ ముఖ్యమంత్రి కొత్త రంగు దుస్తుల్లో కనిపించారు. తెల్లటి ధోతీపై నల్లటి చొక్కా ధరించి కరుణానిధి చెన్నైలోని పార్టీ కేంద్ర కార్యాలయం అన్నా అరివాలయంలోకి అడుగు పెట్టారు.

మెడపై పసుపు రంగు శాలువా ధరించేవారు. కానీ దాన్ని కూడా మార్చేశారు. పసురంగు శాలువా తెల్లటి శాలువా వచ్చింది. కొత్త గెటప్‌లో కనిపించిన కరుణానిధిని అందుకు గల కారణాన్ని అడిగారు. ఆయన ఇచ్చిన సమాధానం ఆసక్తికరంగా ఉంది. డిఎంకె శుక్రవారం తలపెట్టిన నిరసనకు నల్లటి రంగు వస్త్రధారణను పోలీసులు నిషేధించారని ఆయన చెప్పారు. నిషేధాన్ని ఉల్లింఘించడానికే తాను నల్లటి చొక్కా ధరించినట్లు ఆయన తెలిపారు.

తమ అధినేతను చూసి కొంత డిఎంకె నాయకులు కూడా వెంటనే నల్లటి చొక్కాలను అప్పటికప్పుడు ధరించారు. గురువారం ఈ సంఘటన జరిగింది. అన్నాడియంకె ప్రభుత్వానికి నిరసన తెలియజేయడానికి ఇక నుంచి నల్లటి దుస్తులు ధరిద్దామని కరుణానిధి పార్టీ పత్రిక మురసోలిలో పార్టీ కార్యకర్తలకు సూచించారు.

ఈ రోజు నుంచి తాను నల్లటి దుస్తులు ధరిస్తున్నానని, ఇక ముందు కూడా నల్లటి దుస్తులే ధరిస్తానని, ఇది అన్నాడియంకె ప్రభుత్వంపై నిరసన వ్యక్తం చేయడమని ఆయన అన్నారు. గత నాలుగు దశాబ్దాల కాలంలో కరుణానిధి తన చొక్కా రంగు మార్చడం ఇదే ప్రథమం. కొన్ని సందర్భాల్లో మాత్రం తెల్లటి కుర్తా ధరించారు. పెరియార్ అనుచరులు కరుణానిధి చొక్కా రంగు మార్చుకోవడాన్ని హర్షిస్తున్నారు.

English summary
DMK chief M Karunanidhi had political circles aflutter when he was wheeled into Anna Arivalayam, the DMK headquarters in Chennai, wearing a black shirt and white dhoti. Even the characteristic yellow shawl, always on his shoulder, was replaced by a white one.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X