తాలిబన్ల చేతిలో గాయపడ్డ మలాలా కోసం మడోన్నా
ఆ తర్వాత ఆమె డ్యాన్స్ చేస్తూ ఇది మలాలా కోసం అంటూ చెప్పింది. లాస్ ఏంజిల్స్లో జరిగిన కార్యక్రమంలో పాడిన మడోన్నా తమ గీతాన్ని మలాలాకు డెడికేట్ చేస్తున్నానని చెప్పారు. మరోవైపు మలాలాకు అత్యుత్తమ చికిత్స అందించడం కోసం ఆమెను బ్రిటన్కు తరలించారు. మలాలా కోలుకోవాలని పాకిస్తాన్ వ్యాప్తంగా ప్రజలు ప్రార్థనలు చేస్తున్నారు.
కాగా గత బుధవారం పాకిస్తాన్లో తాలిబన్లు ఘాతుకానికి పాల్పడ్డ విషయం తెలిసిందే. పద్నాలుగేళ్ల చిన్నారిపై హత్యాయత్నం చేశారు. తమకు వ్యతిరేకంగా గళం విన్పించిందనే ఆగ్రహంతో ఓ బాలిక కార్యకర్తపై కిరాతంగా కాల్పులు జరిపారు. తమ దుశ్చర్యలను దనుమాడిందనే దుగ్దతో ఆ చిన్నారిపై హత్యాయత్నం చేశారు. బాలికా విద్యపై ఇస్లాం తీవ్రవాదుల వైఖరిని వ్యతిరేకించి చిన్నవయసులోనే అత్యంత ధీశాలిగా పాకిస్థాన్లో ఖ్యాతికెక్కిన మాలాల యూసఫ్ జాయ్ను అంతం చేసేందుకు ప్రయత్నించారు.
బడి నుంచి పాఠశాల బస్సులో ఇంటికి వెళుతున్న మాలాలపై కర్కశ దుండగుడొకడు తుపాకీతో రెండుసార్లు కాల్చాడు. స్వాత్ వ్యాలీలోని మింగోర ప్రాంతంలో ఈ దురాగతానికి ఒడిగట్టాడు. దుండగుడి కాల్పుల్లో తలకు, మెడకు గాయాలయిన ఆమెకు అత్యవసర చికిత్స చేసిన తర్వాత సైనిక హెలికాప్టర్లో పెషావర్కు తరలించారు. ఆమె ఆరోగ్య పరిస్థితి విషమంగా ఉందని వైద్యులు వెల్లడించారు. అనంతరం మలాలాను బ్రిటన్ తరలించారు.
Click it and Unblock the Notifications
Sign in with Google