పండుగ విషాదం, కల్తీ కల్లుకు ఇద్దరు విద్యార్థులు బలి

నల్లగొండ: కల్తీ కల్లుకు నల్లగొండ జిల్లాలో ఇద్దరు విద్యార్థులు బలయ్యారు. నల్లగొండ జిల్లాలోని చండూరు మండలం బంగారుగడ్డ గ్రామంలో కల్తీ కల్లు తాగడంతో ఇద్దరు పదో తరగతి విద్యార్థులు మరణించారు. ఈ సంఘటన బుధవారం సాయంత్రం జరిగింది.

మరో ఆరుగురు ఆస్వస్థతకు గురయ్యారు. మృతులిద్దరికీ దాదాపు 15 ఏళ్లంటాయని అంచనా వేశారు. వారు పదో తరగతి చదువుతున్నారు. కల్లులో రసాయనాలు ఏవైనా కలిపారా అనే కోణంలో పోలీసులు దర్యాప్తు చేస్తున్నారు.

కల్లులో ఉన్న పదార్థాలు ఏమిటనే విషయంపై దర్యాప్తు చేస్తున్నామని, మరో ఆరుగురు అస్వస్థతకు గురయ్యారని, వారు ఆస్పత్రిలో చికిత్స పొందారని, ఆ తర్వాత వారిని డిశ్చార్జీ చేశారని పోలీసులు చెప్పారు.

పండుగపూట గ్రామంలో విషాదం చోటు చేసుకుంది. పండుగ కావడంతో విద్యార్థులు కల్లు తాగడానికి వెళ్లినట్లు చెబుతున్నారు. దసరా పండుగకు మద్యం సేవించడం ఓ సంప్రదాయం.

English summary

Two Class 10th students died and six other persons were taken ill after allegedly drinking toddy in Chandur mandal of Nalgonda district.he incident took place at Bangarugadda village. The two boys were aged around 15, police said, adding they were investigating whether any chemical had been added to the toddy.